بقلم/ عصام حسني
عيون القلب سهرانه مبتنامشي دي بتخطط
برغم إن الحياه ماشيه وكله تمام ومتظبّط
تتابع من بعيد لبعيد عشان مستنياني أغلط
خليتني أشوف كل الأغاني بشكل تاني
خليتني أركّز في المعاني
عرفت سرّ حبها لغنوة إليسا
لو ابصلك ما بشيلش عيني من عليك
مش حبّ فيّا بس نوع من المراقبه
عشان التدخّل يبقى ف اللحظه المناسبه
تدخل دماغها تلاقي فيه مكتب محاسبه
سين وجيم
تفضل تقلّب ف الجديد وف القديم
تبدأ تزوّد ف الكلام..
ف ابعتلها لا تكذبي لعبد الحليم
