الست الناجحة

بقلم: محمود عبدالله

طيّب واللهِ بجد شابوه
وتحيّة إلى الست العامْلة
وده رأيى الشخصى انتوا سمعتوه
ما فيهوش ولا كدب ولا مجاملة
وده مش تطبيل
ولا مثلاً لقطة وأنا باخُدها
أنا أحب الست اللى بشُغلها
بتسيب بصمة
واللى بعضلات ناعمة بتثْبت
بينّا وجودها
الست الناجحة تشرّف يعنى
ومش وصمة
الست اللى معانا تعلّى
بتحلّى الدنيا وأيامها
دى النعمة اللى انا بدعى تمللى
إن شالله يا رب ما نعدَمها