يحتفل الأحباب حول العالم كل عام بأعياد الحب، والتي تأتي في 14 فبراير، وتعرف باسم "فالنتين".
ويطلق "السناجل" والذين لم يحالفهم الحظ في الارتباط، حملات ساخرة على مواقع التواصل الاجتماعي، منها شعارات "فرح نفسك"، "نكد عليهم"، "هاتلك دبدوب"، إضافة إلى نشر العديد من الكوميكس التي تخص هذه المناسبة.
ودشن عدد من رواد موقع "فيس بوك" حملة باسم "فلانتين السناجل"، والقائمة عليها "أميرة عز"، والتي قالت بخصوصها: "اشمعنا السناجل ميكونش عندهم فلانتين هاا اشمعنا يعني، دي اول حاجه بيقولها اي حد مش مرتبط ونفسه اووووي في كده، طيب عدي عليك كام فلانتين لوحدك ليه مفكرتش تفرح نفسك باي حاجة، مش لازم تخرج وتتفسح في اليوم ده ممكن تتجمع مع صحابك علي النت، تضحك وتهزر وتنسي الهموم كلها معاهم، مش لانه يوم مقدس ولو معشتهوش هتموت، بس عشان متحسش باي نقص بينك وبينهم وتزعل اكتر، مش لازم ترتبط عشان تبئي فرحان علي فكره، ومش لازم يعدي عليك اليوم ده وانت مكتئب وزعلان ان مفيش حد في حياتك اصــــلا انت حياتك بالدنيا".
وأضافت عز: "كله نصيب وانت هتفرح في يوم زيهم بس بـ ميعاد ربنا كاتبهولك، مش بنقولك مترتبطش لا لو لقيت الشخص المناسب دوووس طبعا، لكن لو لسه مظهرش في حياتك فانت منورنا هنا متزعلش، اعمل اي حاجه هنا قول اللي نفسك فيه، احلم بحاجه واكتبها، عشان لما تتحقق تشوفها هنا لما ترتبط تفرح انك حققت حاجه من احلامك .. متفضلش شايل جواك وباصص علي الناس وتقول ليه انا لا، ارضي باللي اتكتبلك ومتستعجلش علي نتيجه اختبار ربنا ليك، اصبر وجتهد في اعمالك اكيد هتنجح وتفوز بـ قدرك الحلو".
