أنا والليل
مفيش تالت
وأسراري ...معاه ..هو
لا يحكيها و لا اتقالت
ماهو ف قلبي من جوه
لو الدنيا بحالي.. مالت
يقف ف ضهري وبقوه
يجيب البسمه لوحالت
ونقسمها.. أنا .. وهو
لو عيار الزمن فالت
يتصدي له .. وبفتوه
ولو راحت الضحكه واتشالت
يصد بصدره للنوه
صاين للعشره ماهانت
وكأن رضعنا من حوه
مهاودني ولو زالت
كنوز الدنيا في أخوه
وعمر الفرقه ما نالت
ولو في طريقها تتلوا
وإن صالت وإن جالت
وعوتنا بكام عوه
ولو الشمس ليه آلت
وحبت صحبه وأخوه
وقالت له أكون تالت
ونيتها تكون سوا
وبتكشر ولو زامت
وهوت علينا كام هوه
يقول صاحبي
مافرطش
ده ياما
عيشنا انا وهو
وانا وهو
و مفيش تالت
