تصدر الفنان الشاب عصام عمر محركات البحث جوجل، بسبب قصة كفاحه قبل بطولة مسلسل "بالطو".
وقال عصام عمر، خلال حواره في برنامج "معكم مني الشاذلي"، والذي يعرض على قناة cbc، إنه هاجر إلى الولايات المتحدة، وعانى كثيرًا في مشواره.
أقرا أيضا : عصام عمر: رفضت بطولة مسلسل «بالطو» في البداية
وأضاف: «أي حد عايز يحقق حاجة لازم يتعب، فأنا تعبت عشان أوصل للحاجة اللي أنا عايزها».
وتابع: «اشتغلت وعملت كاستينج هنا، وبدأت أعمل إعلانات ثم توقفت عشان مبقاش محصور في مجال الإعلانات فقط، وقتها مكنش معايا فلوس، وقعدت فترة مش عارف أعيش كويس وأنا مبقدمش إعلانات لكن كنت بحاول تأهيل نفسي عشان أكون ممثل كويس».
وأردف: «سافرت أمريكا مع الفرقة المسرحية اللي كنت شغال معاها وفي عامي 2016، 2017، قدمت على فيزا لأمريكا بالصدفة وحصلت عليها ومكنش معايا فلوس تذكرة أمريكا».
واستطرد: «ولظروفي الملخبطة في القاهرة، صديق لي دفع تذكرة أمريكا، وقعدت عند صديق لي في أمريكا، وملقتش شغل هناك، فكانت فترة صعبة خصوصًا أنني كنت في رمضان وكنت عايز أسدد ديوني، ومكنتش عايز أرجع القاهرة تاني لكن قلت لنفسي لو محققتش نفسي في مصر، مش هعرف أحقق نفسي في أمريكا، ورجعت مصر، وبدأت أحاول أدخل المجال الفني مرة أخرى».
يذكر ان مسلسل " بالطو" مأخوذ عن كتاب "بالطو وفانلة وتاب" وهو من تأليف أحمد عاطف فياض، إخراج عمر المهندس، بطولة عصام عمر، محمد محمود، محمود البزاوي، سلافة غانم، محمد رضوان، عارفة عبدالرسول، مريم الجندي، ويُعرض على منصة وواتش ات.
