صالح الغازى
أنا عندى بدله شتوية
تشبه بدلة مادورو
برضُه لونها رمادية
أنام دفيان
كأنها بطانية
وقت التمارين الرياضية.
تنفعنى جدًا
لما أغسلها أبقى حيران.
ألبس كل هدومى
لكن برضه بردان.
محتاج أشترى بدلة كمان
دورت ولفيت
نفسها ما لقيت!
سعرها فى السما
أنا أصلى كنت شاريها
قبل ما يظهر مادورو بيها!
فى أول يناير
فى مدينة كاراكاس
بعد ليلة ظلام وبرد
صحيو الناس
أبناء وبنات بوليفارد
لقيو الشنب الأسطورة
ع الشاشات
من غير حنجرته الحنجورة
لابس بدلة رمادية!
أتصور
إن كل واحد فكَّر
إنه زودها من الدخان
اشتغالات مساطيل عادية
ببساطة أو ممكن خرمان
بتحصل دايما
فى ربوع كراكاس
ولأى واحد من الناس.
فى الليالى الشتوية.
أنا شوفت مادورو
فى لعبة فيديو
كأنه سوبرمان
وبرقصة لطيفة
يغيظ الأمريكان
ويقول
عن العقوبات
البترول
التحديات
الصعوبات
يا شعب يا بطل.
نوحد المسافات
وننسى اللى حصل
ولا إدانة ولا عدالة
ولا كل واحد يستنى دورو
السلاح السرى لعبة ندالة
الوداع يا مادورو.
الوداع يا مرات مادورو.
كل اللى هاممنى
نسخ كتير مجانية
أو بالأسعار العادية
من غير رسوم جمركية
بس من بدلة مادورو.
زاد
الحبُ
ناظم حكمت
