السفر بالسيارة لمسافات طويلة مغامرة ليها طعم مختلف ، حرية، مناظر طبيعية، وضحك مع الرفاق،لكن عشان الرحلة تكون ممتعة من غير تعب أو مفاجآت مزعجة، لازم تجهز شنطتك صح،التجهيز الجيد مش رفاهية، ده ضمان إنك تستمتع بكل لحظة على الطريق من غير قلق، جمعنالك أهم 7 حاجات لازم تاخدها معاك عالطريق، زي ما نشر موقع"thedailyjagran".
اقرا أيضأ|من فاتته صلاة في السفر كيف يقضيها بعد عودته.. الأزهر للفتوى يجيب
1. شاحن سيارة وباور بانك.. بطاريتك عمرها ما تفصل
مافيش أسوأ من بطارية موبايل تفصل وأنت محتاج GPS أو موسيقى.
خد معاك شاحن سيارة سريع، ومعاه باور بانك قوي يكون مشحون 100%. كده تضمن إن أجهزتك شغالة طول الطريق.
2. وسادة رقبة وبطانية خفيفة.. راحة في أي لحظة
وسادة رقبة مريحة وبطانية خفيفة هتخليك تعرف تغفّي في العربية من غير ما تكسّر رقبتك،مثالية لمحطات الاستراحة أو حتى نوم خفيف على الطريق.
3. شنطة إسعافات أولية.. خليك جاهز لأي طارئ
الصداع، الجروح الصغيرة، أو حتى دوخة الطريق، أي حاجة ممكن تحصل.
جهز شنطة صغيرة فيها..
مسكن
لزق جروح
مطهر
أدوية دوار الحركة
حاجة بسيطة بس تنقذك في وقت الزنقة.
4. مية وسناكس.. الطاقة من غير توقفات كتير
خد معاك زجاجة مية قابلة لإعادة التعبئة، وسناكس زي:
مكسرات
فواكه مجففة
ألواح بروتين
دي هتديك طاقة وتقلل التوقف عند المحطات.
5. نظارة شمس وواقي شمس: الشمس جوا العربية كمان
حتى وانت جوه العربية، الشمس بتأذي عينيك وبشرتك.
خد نظارة شمس كويسة، ومعاها واقي شمس مناسب، خاصة لو بتحب تفتح الشباك أو سقف العربية.
6. تسلية الطريق.. ودع الملل
حمّل كتب صوتية، بودكاست، أو بلاي ليست تحبها.
ولو معاك أصحابك، خد شوية كروت أو ألعاب بسيطة، زي "أنا مين"؟ أو “تحدي الأغاني” علشان تضحكوا وتكسروا الروتين.
7. معقم ومناديل.. علشان النظافة في كل محطة
مش كل محطات الطريق نظيفة، فخليك مستعد:
معقم يد
مناديل مبللة
مناديل ورق
كمامة إضافية
كده تبقى مطمّن في أي مكان توقف فيه.
الرحلة الحلوة بتبدأ من الشنطة المتحضرة صح، كل حاجة بسيطة من اللي فوق هتفرق في راحتك ومزاجك على الطريق،فقبل ما تدوس بنزين، راجع شنطتك وتأكد إنك جاهز تستمتع بكل لحظة، طريق سلامة
يكون مركبات ضارة.. أضرار تخزين البطاطس في الثلاجة
قبل امتحانات الثانوية العامة.. علامات تشير إلى تعرض لطالب لضغط عصبي شديد
استشاري يحذر: المضادات الحيوية ليست علاج لحساسية الصدر أو الأنف
