مين يدفع للموت ديتى؟

يا شـمــس يا طالعة كل يوم بصوت الحق.. يا ساطعة بقوة من الشرق
انا صوتى مش عالى لكنه صوت مسموع 
زى سحابات الحق معرقة ومورقة وناضجة ومالية الكون
لو كنت فى النار أو كنت فى الميه
دمى على إيدك وشهودك فى عينيَّه
انا الترجمان اللى حاسس لونك 
وشايف مشاعرك بتتبعتر 
يـــا دوشة البشر عالارض
يا صوت مصرى يرن فى القلوب 
يا بلسم بيكوى كل جرح مالوش دوا ويبصم 
حـــنـــجـــرتى بتصرخ ورقــبــتى ممدودة مالهاش كــتـاف
مــن كـتـر ما اتشــعـننت شـــعانينـك
وبانت من كل مكان تفانينك
انا ياللى بحبك وعاشق مـــــجــــانينك
وشهودى عفـاريتى مش سايبينك ومش ساكنينك
وماليش فى الدلع ولا التحنان ولا ليا فى تهـــنينك
ماليش فى السكوت ولا فى كلام الهمــــــس
انا الترجمان اللى حاسس لونك.. وشايف مشاعرك بتتبعتر 
انا الــفـصيـح اللى قادر يترجم كلام الشمسْ
ويجيب الخير من اهل الخير ويبعت لكل اصيل نصيب من خيره
مرهون بطـير طيار يجوب السما فى ربع نهار
يحط ويشيـل الـــطـــوق اذا غلبه جوع الحب على شوقه
ويرجَـع يبـصّ لـفــوق بكل الْذوق ومن غـــير اهانة و ذلْ
يا دكر مجابتكش ولادة 
يا جن جنّـن نهـار النور 
انا عرفت اجيب النهار من قلب الــنارْ
اصل انا هوه انا.. وانا الترجمانْ وانا الشاطر وانا اللى يقدر يترجم كلام الشمسْ
على خمـس من الحواس ونزيد واحد
انا اللى بينادونى يا سيد الحسن يا سيد فى طلعتك وبهاك 
حاضن جروحى ما بين دراعاتى وكويانى دنيتى ولا العيــون سامعـاه
دنيا خوافة تحب تــلــعـــب عـــروسـة مـعـاه
يا دكر مجابتكش ولادة 
يا جن جنّـن نهـار النور 
جوايا قلب شاعر بيشحت جلد وشغت على عضمه
شمتان الملك فيا وفاكر انى فكهانى على جزار يبيع بقالته فى سوق الرخيص بالغالي
زاد مــقامى عنى وذلنى السؤال
مبقاش غير لطــم الخـــدودْ وشق الصدر وانا باضحك وضحكى زى البكا وكم فيك يا دنيتى من المضحكات المبكيات
بيحلبوا فدمى حلب من فرط حنيتى 
ومبقاش جوه الضلوع غير قلب عاجز عن الفرح 
ومحدش قادر يدفع للموت ديتى 
ولا حد قادر يشترينى انا الغالى انا الباكى بيضحك على جرحى 
يا رب يا شافى كل العلل 
يا رازق كل البشر ارزقنا واشفينا من العلل العصيبة والصعيبة احسن تمن العلاج غالي
ولا يقدر يسدد ديتى الا حد يكون عند ربنا غالى