روي الفنان أحمد فهمي فترة عمله في الولايات المتحدة عندما كان عمره 20 عامًا وتأثير تلك التجربة على مسار حياته، خلال مشاركته في برنامج "ABtalks" الذي يُقدمه الإعلامي أنس بوخش على قناته الشهيرة على يوتيوب
أحمد فهمي: اشتغلت في محل فاكهة وخضار وكنت بكنس وبمسح
قال فهمي: "لما روحت أمريكا وأنا عندي 20 سنة خدت شنطه ونزلت المطار الساعة 4 الصبح، وكنت خايف لكن كان حد مديني رقم واحد شغال هناك كلمته واشتغلت معاه في محل فاكهة وخضار وكنت بكنس وبمسح، وأنا طبيعتي بكره البرد جدا فكنت بدخل في تلاجة الخضار عشان اتدفى لأن درجة الحرارة جواها أقل من الشارع".
وأستكمل حديثه قائلا: "اتعلمت إن أوحش حاجة في الدنيا هي الحوجة علشان كدا عمري ما بكسف حد محتاج مساعدتي أو أتعامل معاه وحش، عمري ما أقهر حد هو في احتياج ليا حتى بنظرة، وعمري ما أفكر إن حد شغال عندي عشان عيب جدًا، ودي كسرت الايجو جوايا وكنت شايف نفسي ناجح جدًا وقت الجامعة.. ولكن لما رجعت من أمريكا بقيت بفكر بشكل تاني خالص".
اقرأ أيضا | غدا.. انطلاق اولى حلقات مسلسل "سفاح الجيزة"
