كانت بيوت من طين
و قلوبنا تسكنها
دلوقتي في فلسطين
الكل يسجنها
......
يا معفرين التين
بالدم في عروقنا
ع السفره كام سكين
و القرد بيسوقنا
....
القرد و الخنزير
و الضبع و كلابه
و مدرعه بجنزير
تايهين في سردابه
.....
سرداب ( نتنهم ) خاف
من طلقتين سجيل
و جيش كفيفهم شاف
الطير و كان ابابيل
.....
رمي له كام برميل
من حقد اطماعه
ارتد فوقه الفيل
و القبر ما يساعه
....
و يساعه قولوا إزاي
والحلم مش وزنه
و نهارنا هل و جاي
يمسح دموع حزنه
.......
يا أمة المليار
السهره صباحي
الدم جوه الدار
و ضميركوا مش صاحي