كشف والد سيف شكري بطل المصارعة الهارب قصة معرفته بسفر ابنه، قائلاً: اتفجئنا أن سيف أتأخر واتصلنا عشان نعرف إيه اللي حصل، طبعاً هو راجع من السفر ونزل ترانزيت في دبي واختفى.
وأضاف في مداخلة هاتفية لبرنامج "مصر جديدة" تقديم الإعلامية إنجي أنور والمذاع مساء اليوم الأحد عبر فضائية " etc": "سيف اتصل بيا وطلب مني ألا أقلق عليه، ولم يخبرني أي تفاصيل أخرى"، لافتاً إلى أن سيف الأن في هولندا وقال: "سيف مش بيتكلم في تفاصيل وكلامه قليل ومطلعش اللي في قلبه".
اقرأ أيضاً .. منيع بطل المصارعة: «هو لازم اهرب عشان ابقى مشهور.. أنا محبط»
وتابع : "سيف يشعر بالمظلومية من فترة، هو حساس جداً ومتربي على أنه يعتمد على نفسه لكن شعوره إن عنده ٢٢ سنة يعني راجل ولسه مش عارف يشيل نفسه، ولسه والده بيصرف عليه وطبعاً مصاريف كبيرة لأن أي لعبة فردية بتكلف جداً خاصة المصارعة من تغذية وملابس وأحذية خاصة ومكملات وغيرها".
أوضح: "سيف قبل سفره كان بيعتذر جدا أنه كان محمل عليا ويقولي انا عارف اني المفروض أشيل نفسي، وانا كنت بخفف عنه واقوله لكل مجتهد نصيب وربنا هيعوضك وانت بتتعب كتير جدا، سيف يعشق المصارعه ومن عمره ٥ سنوات عايش في النادي تمارين طول الوقت".
ووجه والد المصارع سيف رسالة لكل مسئول أو في إيده قرار الاهتمام بالشباب والرياضات الفردية وقال: "عندنا شباب زي الورد حرام نموت موهبتهم".
وأوضح أن سيف بالرغم من كونه بطل الجمهورية تحت ١٧ سنة لم يشارك في أي بطولة دولية وكان المفروض يشارك في كذا بطولة، وهو أحسن لاعب في مصر، وبالفعل صدر قرار وزير أنه يمثل مصر عالمياً إلا أنه لم ينفذ القرار مما أثر عليه.
