كشفت الفنانة يسرا اللوزي سر توقفها عن تشجيع النادي الأهلي .
إقرأ أيضا|يسرا اللوزي تكشف عن أصعب مشاهدها بمسلسل جميلة
وأشارت يسرا اللوزي: "كنت أهلاوية متعصبة بس زمان، أنا بطلت أشجع لأن لما جالي الإصابة في الركبة اكتأبت لإني كنت بحب الكرة أوي وبعدين لقيت الدكتور بيقولي متجريش ومتدبيش رجليك في الأرض ومفيش كورة تاني ودي كانت بالنسبة لي حالة غريبة وبقيت مش قادرة اتفرج علي أي ماتش لإني لما بتفجر بفضل اعيط فقفلت صفحة الكورة علشان اعيش، ومبقتش اتفرج علي أي ماتش ومبقتش اتفرج علي أي ماتش للأهلي دلوقتي ممكن افتكر تشكيل الأهلي زمان والذكريات ولكن تشكيل الأهلي دلوقتي معرفهوش لإني مبتفرجش علي أي ماتش".
وقالت« اللوزي»: "سعيدة بلقب أم البنات ومش بحلم يجيلي ولد، ولكن لو جالي ولد هحبه قد البنات بس أنا طول عمري نفسي أخلف بنات".
وتابعت خلال لقائها ببرنامج "واحد من الناس" الذي يقدمه الإعلامي عمرو الليثي بقناة "الحياة": "هواياتي اتغيرت على مر الزمن، أنا صوتي في الغناء الأوبرالي كويس بس مش هغني".
وعن لعب كرة القدم قالت اللوزي: "كنت بلعب كرة قدم نسائية بس مدخلتش المنتخب، أنا كنت بلعب مع الولاد في النادي علشان مكنش فيه دورات رمضانية نسائية في الوقت ده، بس جاتلي مشكلة في ركبتي فاضطريت أبطل لعب، كنت بلعب مدافع كويس أوي وكنت أخاف أهاجم وبعدين لعبت صانعة ألعاب".
