حالة من الجدل غزت السوشيال ميديا خلال الساعات الـ 72 الأخيرة، حول ما تردد عن زواج الإعلامية منى عراقي وزميلها في الوسط الإعلامي مقدم البرامج الطبية الدكتور أيمن رشوان.
بداية فقاعة زواج الثنائي وُلدت من حفل زفاف سالي عبد السلام، والذي حضره منى وأيمن، والتقطا سويا صورًا وصفها البعض بالجريئة وتنم عن وجود علاقة عاطفية، ورقصا سويًا وتبادلا القبلات كما ردد شاهدو العيان.
انتشر الخبر كالنار في الهشيم وبات بين عشية وضحاها ملء مواقع التواصل الاجتماعي، في الساعات الأولى الأولى التي أعقبت فيديو الإعلامية منى عراقي، الذي نشرته عبر حسابها الرسمي على فيسبوك.
وقالت منى عراقي، «مساء الخير، قولولي مبروك، مكنتش أعرف أن القصة ممكن تنتشر هذا الانتشار، أنا في نص ساعة، لقيت الدنيا كلها بتكلمني من بره مصر وجوه، آه اتجوزت اسم يشرف أي حد، بس 100 ألف سبب محبناش نعلن مين، واتكدرنا جدا لما لقينا الخبر تسرب بالمنظر ده، أيمن أنا أعرفه من زمان جدا، بينا كيميا، لما بنتقابل مش بنبطل نضحك ونرقص».
وتابعت: "أيمن كان دايما دعم وسند كبير، الوحيد اللي ممكن أقوله أعمل إيه؟، وبيقولي اعملي إيه، وبنفذ بالحرف اللي هو بيقوله، أنا بثق فيه ثقة عمياء ودي حاجة صعبة، أصلا صعب جدا أثق في راجل أو يملا دماغي، أيمن من الرجالة دي، لما الخبر انتشر، أيمن قالي اتصرفي، خليهم يشيلوا الخبر ده، قولتله هتصرف".
وأضافت: " ليه أيمن؟، لأن فرح سالي عبد السلام، أنا وأيمن مسبناش بعض، وفضلنا نرقص، مبطلتش رقص أصلا، الموضوع وسع أن ناس قالولي هو أنت حامل، قولت لهم آه متجوزة وحامل، أنا مكنتش عارفه الخبر أصلا، يعني لما كلموني وقالولي على الخبر، مبروك انت تجوزتي، قولت لهم آه تجوزت وحامل، بيكلموني ويقولي ها أخبار الحمل إيه؟، هو أنا أجيب عيال تاني".
نفي الدكتور أيمن رشوان
ولم يمض كثيرًا على فيديو منى عراقي، الذي اعتبره الكثيرون أنه إعلان منها بزواجها من الدكتور أيمن ، حتى خرج الأخير عبر حسابه على فيسبوك ونشر فيديو لم يتعد بضع دقائق ولكنه أدحض كل ما جاء فيديو منى عراقي نافيًا نبأ الزواج جملة وتفصيلًا بل ذهب إلى السخرية مما وصفها بالشائعة عن زواجه من «صديقته وأخته».
نفى أيمن رشوان، زواجه بالإعلامية منى عراقي، وقال في بث مباشر عبر صفحته بموقع "فيسبوك": "أنا لسه راجع من ماتش كورة وخلصت الماتش وفوجئت بخبر غريب جدا.. خبر ملوش أي علاقة بالحقيقة ولا بالواقع، خبر كاذب بكل معنى الكلمة وهو أن أنا اتجوزت من الأخت الصديقة منى عراقي.. منى عراقي أختي وصديقة عزيزة ولكن الخبر كاذب لأنه مالوش علاقة بالحقيقة".
زواج منى عراقي
كشفت الإعلامية منى عراقي في تصريحات خاصة لبوابة أخبار اليوم إنها متزوجة بالفعل ولكن من شخص أخر ، بخلاف دكتور أيمن رشوان ، وأكدت أن دكتور أيمن مجرد أخ وصديق عزيز لها ، وأن حجم انتشار خبر زوجها وعملية البحث عنه من قبل الجمهور كان بمثابة خضة ومفاجأة لها .
وصرحت إنها تزوجت بالفعل ، بالتزامن مع الفترة التى تواجدت فيها بحفل زفاف الإعلامية سالي عبد السلام وظهور الكثير من الفيديوهات لها بجانب دكتور أيمن رشوان صديقها من سنين فمن هنا جاء اللبس و ربط الجمهور بين الفيديوهات وزواجي منه.
وأكدت إنها تحترم دكتور أيمن رشوان، وإنها لم تشاهد الفيديو الذي قام بنشرة لتكذيب خبر زواجهم ولا تريد التعليق عليه.
بكاء منى عراقي
قالت منى عراقي: "إيه القرف اللي أنا فيه ده؟ كل دا بيحصلي ليه؟ أيه المهم في قصة جوازي وارتباطي أنا بقالي أكتر من يومين ما بنمش ونفسيتي اتدمرت عشان قررت أعلن عن حياتي الشخصية، وأنا مش عايزة أتجوز في السر تاني، خلاص ولادي كبروا أخبي ليه؟ وقالوا لي بلاش ترتبطي في السر، ولادي قالوا لي خلاص دلوقتي مفيش داعي".
وأضافت: ولما حد بيسألني كنت بقوله هتجوز قريب، والسؤال اللي دمر نفسيتي هو مين؟ وأرد في الوقت المناسب هقول لكم، إنت مالك؟ أنا حرة أقول وقت ما أنا عايزة وحرة أقول مين، عشان حياته ماتبظش وحياتي أنا هعلن في الوقت المناسب.
وتابعت: وفي فرح سالي، وروحت سلمت على أيمن رشوان وميلاد أبي رعد، عشان دول أقرب ناس لي في الفرح، وقالوا آه يبقى هو أيمن، لقيت الخبر في الجرنال وتفاجئت زيي زيه، وأنا مكنتش متخيلة الموضوع يبقى بالأهمية دي، وبراحتكم، أهروا، شوية وهتلاقوا هراية تانية، وتلاقوا حد يلهيكم.
واستكملت: اللي عرفني الخبر صديقي ميلاد أبي رعد، قالي إلحقي علشان شافوكم بترقصوا في الفرح إنتي وإيمن قالوا إنكم متجوزين، طلعت في فيديو وقُلت مش أيمن وهو صاحبي وأخويا، وهو طلع نفى، تليفوني مش بيبطل رن بقاله 3 أيام، وبيسألوا اتجوزت مين، إنت مالك؟، خلصت القصة.
واستطردت قائلة: "يعني إيه جواز منى عراقي اللي بقالها سنة بعيدة عن الشاشة يبقى التريند الأول عربيًا، وتطلع قناة المفروض إنها محترمة ومهنية تقول مش الكدبة الأولى؟ إيه الهم دا؟ أنا ياما عملت شغل وولا حد عبرني، وياما عملت نجاحات ولا حد سأل فيا، وياما كان عندي أزمات صحية ونفسية ومعنوية ومحدش قالي إنتي فين، ليه خبر جوازي يقلب الدنيا، انتم مالكم؟
ولم تتمالك منى دموعها في آخر الفيديو، قائلة: "أنا مش عايزة أقول هو مين، وكل اللي يهمني أقوله إنه مش أيمن رشوان، وقُلت ده من ساعتها، إيه القصة؟ مين يجي يخلصني من التريند بتاعي ده؟ ولادي تأذوا وحياتهم اتلغبطت والله أعلم بحاله، والقصة تافهة".
