فاجأت الإعلامية منى الشاذلي جمهورها خلال حلقة الإعلامية فاطمة مصطفى على الراديو 90.90 ، بالعديد من الأمور الخاصة بها، منها تطرقها للأغانى التي تحبها.
وأهدت «الشاذلي» عددًا من الأغانى التي تحبها للمقربين منها، قائلة: "أغنية جانى بهداوة للنجمة روبى أهديها لزوجي، كما اهدي أغنية أنت الحظ لفريق عملى بالبرنامج".
واستكملت بخصوص زوجها: "هو شريك بالمعنى الحرفى للكلمة، والرومانسية والحب بالنسبة لى تعنى الشراكة والإهتمام، وأحلى حاجة في الدنيا أنك أما تبقى فرحان ما تبقاش لوحدك، وغيرها من الأمور لأن ده بيدي للحياة طعم حلو".
كما قالت الإعلامية منى الشاذلى إنها أم لثلاث بنات منهما اثنتين توأم، قائلة: "أنا مش ديمقراطية، لأن في أساسيات، وبشوف إن الأمومة مُقدسة، وشغلى جنب البيت، وممكن أبقى في اجتماع وحالة طوارئ في الشغل، وأقول للى معايا بريك نص ساعة وراجعه، وفى الوقت ده أروح جرى لبناتى، اشوف في إيه حاصل".
وأضافت مقدمة برنامج "معكم": "ممكن أروح علشان في واجب ما اتعملش، في حد راجع من المدرسة بيعيط، فاروحله مش بستنى لبعد التصوير وأخلص وأروحلهم، لأن الأمومة دي أهم حاجة".
كما تطرقت إلى المطبخ قائلة: "في أكلات كتير بيطلبوها مني، لأن في أساسيات عندنا إن الاكل بيتى، والمطبخ عندنا دايماً عامر، وحاجات بتتعمل طول الوقت، وهو بالنسبة لينا قلب البيت، واجتماعات العيلة بتبقى في المطبخ، وماشيين مع الموسم، يعني في الشتا نجيب الأكل اللى طالع فيه، وهكذا".
أقرأ أيضا - ننشر آخر تصريحات منة شلبي عن أحدث أعمالها في السينما والدراما
