تصدر الفنان مصطفى فهمي، التريند رقم واحد على مؤشر البث جوجل، وذلك عقب استضافته في برنامج «الحكاية» لعمرو أديب، وهو الظهور الأول بعد انفصاله عن زوجته فاتن موسى.
وكشف مصطفى فهمي، خلال الحلقة عن رأيه في حياة العزوبية قائلا: "حلوة جدا، منصحش بيها أوي، لكن في بعض الأحيان مفيدة."
وتحدث مصطفى فهمي، عن علاقته بشقيقه الفنان حسين فهمي حالياً، وقال: " "علاقتنا جميلة خصوصا الأيام دي، أحلى أيام، هو عازب وأنا بقيت عازب، وبقينا عزاب وقاعدين مع بعض معظم الوقت. أعدي عليه ونعيد ذكريات العيلة وحاجات تانية، وبنلتقي كتير".
وأضاف مصطفى فهمي: "إنك تبقى مرتبط حاجة حلوة وكويسة، بس تبقى مرتبط والعشرة تبقى حلوة، لإن الجواز في النهاية هو عشرة".
وعقب مصطفى فهمي، على مقولة "يا بخت اللي تتجوز مصطفى فهمي وحسين فهمي" بقوله: "يا بخت اللي تتجوزه بس إحنا اللي بندفع التمن غالي قوي".
وردا على سؤال "بتقولوا لبعض نصايح إيه؟ مش عايزين ستات في حياتنا؟ كفاية اتجوزنا كتير؟" أجاب: "بنقول كده، ودايما نقول خلاص، وبعدين تحصل تغيرات."
يذكر أن مصطفى فهمي يشارك في فيلم "السرب" بدور رئيس المخابرات، وهي المرة الثالثة التي يلعب فيها شخصية رجل مخابرات بعد مسلسل "دموع في عيون وقحة" ومسلسل "الحفار".
