هتقول إيه!.. لا.. مش مهم
إحنا راضيين باللى ييجى
مهرجان.. أغنية.. فيلم
أنت بس تقول يا نجم
الطبلة مش ألة إيقاع
الطبلة بالنسبالنا علم
مش مهم المستوى
ومش مهم المحتوى
المهم إنك نزلت بكام خبر ومَليت هوا
مجانين بيك من وقت البوستر
فانز ولايكاتنا على بياض
أياً كان مجهودك يُشكر
روح يكفيك شر الأمراض
والناس العاشقة.. لأغراض
واللى يقفلك بالمرصاد
واللى بيتهمّونا أن إحنا
جزء أصيل م الاستعراض
إحنا معاك ووراك وف ضهرك
مهما يكون رأى الأرصاد
