«ده مش دم ده ميه».. نجوم الفن يفتحون النار على شقيق محمد رحيم

هاجم عدد من نجوم الفن شقيق الملحن الراحل محمد رحيم بعد ظهوره المتكرر في الإعلام وتصريحاته بشأن وفاة شقيقه وعلاقته بزوجته.

مي فاروق: حد يعالج الراجل ده

وكانت البداية مع الفنانة مي فاروق والتي كتبت عبر صفحتها الشخصية على «فيسبوك»: «الله يرحمك يا غالي يا ذوق يا محترم عشت كبير ومحترم وهتفضل محترم وكبير وسيرتك سبقاك مهما حاولوا والله» مضيفة: «لما بيحصل كده بعد ما مشيت أمال كان إيه اللي حاصل لك وأنت عايش ربنا رحمك عشان أنت طيب وجميل وما تستاهلش القرف ده».

وتابعت مي قائلة: «مش لاقيه أي اسم للي بيحصل والله.. ده لا رحمه ولا ذوق ولا أدب ولا دين. ده مش دم ده ميه !!..حد يعالج الراجل ده وللا يشوفله حته يقفلها عليه بقي كفايه قرف » واختتمت قائلة :«مردودالك في يومك والله  طب احترم اللي كنت عايش تتشرف انك علي اسمه يا اخي وللا نفسك في الشهره وبتركب ترند علي سيرة وسمعة واحد الدنيا بتتشرف بيه ..منتهي الرخص والقرف».

إقرأ ايضا: استعدادا لرمضان 2025.. 4 مسلسلات جديدة في استديوهات التصوير

رنا سماحة: كنت شايل كتير

أما الفنانة رنا سماحة فاعتبرت أن ما يحدث هو استغلال لاسم الراحل محمد رحيم قائلة عبر صفحتها الشخصية على فيسبوك: «ربنا يرحمك يا رحيم يا محترم يا طيب، عشت سيرتك زي الفل وسبت محبة في قلب كل إلى حواليك.. ده انت طلعت كنت شايل كتير يا جدع القريب والغريب.. ويشاء القدر وفاتك تبين للناس كلها انت كنت شايل إيه».

وأضافت: «وكل إلى بيحاول يستغلك يتعرى في العلن قدام كل الناس وتخلي إلى يعرفك والي ميعرفكش يدعيلك بالرحمه ويزود حبك في قلوب إلى حواليك.. ادعوله بالرحمه والمغفره.. وادعوا لزوجته ولأولاده بالصبر على الابتلاء ويهون عليهم وجع الفراق».

محمد العمروسي: أنت متأكد إنك أخوه

وأخيرًا اكتفى الفنان محمد العمروسي من توجيه رسالة إلى شقيق محمد رحيم عبر صفحته الشخصية على فيسبوك قائلا: «أخو محمد رحيم.. إنت متأكد إنك أخوه بجد؟ أنا شايف إن الغريب زعلان عليه أكتر منك.. الله لا يسامحك».