(صوت المذيع صدى الزمن
•الاحد 25 رمضان 1393-21 اكتوبر1973-15يوم نصر
الخلفيه صوت عبدالحليم حافظ ••خلى السلاح صاحي)
••
( أمواج رتيبه –لهاث – ذراع لاسلكى – موتور لنش )
المذيع :الاسطول الأصفر 14سفينة من 7 دول غربية
4بريطانية و2لكل من المانيا -السويد -النرويج
وسفينةلكل بلغاريا -تشيكوسلوفاكيا -الولايات المتحدة
أحتجزت فى قناة السويس 5يونيو1967 ••تجمعت
فى البحيرات المرة بين الدفرسوار شمالا وكبريت جنوبا
صيانتها بأطقم مشتركة
الرمال الصفراء غلفتها وحمولاتها على مدى 6سنوات
تغادر 30مايو 1975قبل 5 أيام من اعادة أفتتاح القناة
••
عقيد شكرى –ما فيش وقت للشفرة ..
أفتح اللاسلكى نقل مباشرة على الهواء
••
(الو قيادة ••طائرات اسرائيلية من الشرق
أتجاهها شمال غرب ••الاسماعيلية وبورسعيد
أتكلم من شرق البحيرات المرة الكبرى
••
مسئول اللاسلكى –دفاعنا الجوى أتعامل معاهم
العقيد شكرى - خد بالك••مدرعات ومجنزرات العدو
فى ثغرة الدفرسوار حطمت هوائى 3 قواعد دفاع جوى فتحوا مثلث لطيرانهم يهاجم
يمكنهم الشوشرة على ارسالنا
مسئول اللاسلكى - رجال الدفاع الجوى بيحلوا المشكلة وها يقفلوا المثلث ويستعيدوا السيطرة
عقيد شكرى :مش ها أتفرج على طيرانهم يهاجمنا
••
مسئول اللاسلكى - يا افندم أجهزتهم أحدث
تحدد موقعنا ويضربونا
عقيد شكرى - ونموت?!
مسئول اللاسلكى - طبعا
عقيد شكرى - ما أحنا من يوم ما دخلنا الكلية الحربية وعارفين إننا فى أى مهمه ممكن نموت ••ولا نسيت
مسئول اللاسلكى - لا تلقوا بأنفسكم للتهلكه
( أزيز طائرات _أنفجارات _قصف مدفعية ودبابات )
عقيد شكرى- واللى أحنا فيه من أيام حرب الاستنزاف كان أيه ••فسحه?!
مسئول اللاسلكى - يا افندم ما اقصدش••
أحنا واللاسلكى جاهزين لتنفيذ الاوامر
••
عقيد شكرى - الو قيادة •تجمع دبابات شرق الدفرسوار
يستعد للعبور غربا على الجسر الذى نفذوة
مسئول اللاسلكى فرحا - الله اكبر
العقيد شكرى - أهدى شويه ••خلى عسكرى المدفعية اللى معانا يصحح أتجاه القصف
مسئول اللاسلكى -دباباتهم بتنفجر الحمد لله
••
مسئول اللاسلكى : عدم دقة المعلومات يعمل أزمات
العقيد شكرى - أدينا بننقل ونصحح على الطبيعه
من قلب المعركة فى الشرق و فى الغرب
ولا أنت شايف مكان أفضل
مسئول اللاسلكى :سيادتك ركزت على السفن
المحجوزه فى البحيرات المرة وأخترت الامريكية
( أفريكان جاين ) مغلقة وبدون حمولة وأقربهم للشرق وتسلقناها على سلسلة الهلب ••
من 1972 غادر بواقى طاقمها
عقيد شكرى : علشان نشوف من العالى
••
عقيد شكرى : راجعتوا باقى السفن تحسبا يفكروا زينا
ونلقى حد منهم بيصحح نيران وينقل معلومات
مسئول اللاسلكى - مع اول الحرب تم اخلاء 50 فرد من طقم الصيانة المشترك للسفن و الموقف أمن
عقيد شكرى - فيها مياه شرب تكفينا ?!
مسئول اللاسلكى - فيها مياه ومعلبات أكل وكباين نوم
عقيد شكرى - أصحى أحنا مش جايين نتفسح ?!
مسئول اللاسلكى - يا أفندم لا يمكن نشتغل خمس أيام متصله بنفس التركيز و شغلنا كله بالعقل
عقيد شكرى- مين يفكر فى راحة و قوات الثغرة أمامه ليل -نهار ••لا يمكن نفوت ثانيه
المهم فتحتوا الباب المقفول ?!
علشان لما نرجع باللنش نركب منه
مش ها ننزل على السلسلة!!
••
مسئول اللاسلكى - غريب السويسى
غامر
و جاء قبل الفجر وجاب ميه وأكل
العقيد شكرى - نودى جمايله فين ?!
مفرغ نفسه واللنش من 6اكتوبر للجيش والسفن
مسئول اللاسلكى - عمره ما سمع عن حاجه فى البحر
الا ويساعد ••أنقاذ غرقى ••نقل شهدا
عقيد شكرى - روحت له قبل المأمورية
وجابنا ومعانا حبل نزلناه من فوق
ربط لنا اللاسلكى والاكل والشرب
مسئول اللاسلكى - الحمد لله طلعت السلسلة جهة الغرب بعيد عن عيون العدو لو شافونا تضيع مهمتنا
••
عقيد شكرى : أنا واخد ساتر كابينة القيادة
وشايف كل حاجه والطيران ما يلاحظنيش بسهولة
مسئول اللاسلكى - أحنا هنا من أول الثغرة 16 اكتوبر ولنا خمسة ايام أحنا يوم 21
عقيد شكرى - ولا حسيت الايام بتجرى !!
مسئول اللاسلكى - هجومهم تجاه الاسماعيلية فشل
هايغيروه إتجاه السويس و شايفنهم غرب وشرق
••
مسئول اللاسلكى - أننا نبلغ عن أتجاه طيرانهم
ونصحح قصف مدفعيتنا •مش ها يمر عليهم !!
و أجهزتهم ترصدنا وبيعرفوا عامية مصرية
عقيد شكرى - اللى أحنا فيه لا يتحمل تأخير أو خوف
والمعلومات لازم تبقى دقيقه ومن موقع الحدث
احنا سلاح (الاستطلاع خلف خطوط العدو )
وفرض كشفونا فيه غيرنا كتير
ده كمان النقيب حمدى من شرق السويس
بيبعت على المفتوح ما فيش وقت للشفرة
••
جندى :لامؤاخذه يا أفندم أنا صعيدى وما ركبتش مراكب
ليه سلاسل الحديد الكتيره اللى على سور المركب ?!
(ضحكات الضابط والمساعد )
العقيد شكرى- مره واحد صعيدى?!••ضحكات
الجندى : مره واحد صعيدة ورى العدو الويل
العقيد شكرى - أجدع رجاله ••اشرح له يا حسين
مسئول اللاسلكى : تحمى أى حد ما يقعش فى البحر
••
( صوت أشارات لاسلكى )
مسئول الاسلكى - إشارة جايه يا أفندم بالمفتوح
فيه هليوكبتر للعدو بتحوم حوالينا
عقيد شكرى - سمعتها و شايفها •الطيار عينه فى عينى فاكرنى هاأخاف و بيبلغ معلومات
مسئول اللاسلكى - والتصرف ?!
عقيد شكرى - نطوا على السلالم الداخلية وها أحصلكم ••الطيار ضرب عليا صاروخ
( وإنفجارات وتكتكات ميل السفينه ثم هدوء )
••
الجندى - أطلع بحرص لتكون الهليوكبتر عاملة لنا كمين
مسئول اللاسلكى :أشوف العقيد شكرى طار فين ؟!••
المجند - الله يرحمه ••طار للبحر وأتفرتك
ويا عالم نلقى من جثته حاجه
مسئول اللاسلكى - أصبر
الجندى - المركب بتميل وبتغرق
مسئول اللاسلكى - اصابة مباشرة
الجندى - زادت سرعة الغرق
مسئول اللاسلكى :أهوه هناك!!
السلسلة حمته من الطيران للبحر
المجند :قسمته نصين
مسئول اللاسلكى :قصدك اتطبق حواليها !!
ساعدنى ننزله والحمد لله لسا فيه نفس
••
مسئول اللاسلكى :الاسعافات اللى معانا ما تنفعش
وخطر ننزل كابينة العيادة
المجند :ومين ينجدنا واللاسلكى طار من الصاروخ
مسئول اللاسلكى :غريب السويسى ها ييجى هاييجى!!
المجند : و طيرانهم بيهاجمنا?! ده جنان
مسئول اللاسلكى :كل اللى بيحبوا مصر مجانيين بيها
••
( اصوات تشغيل موتور لنش وزعيق )
صوت - رايح فين?!
السويسى -أشوف فيه أيه !
صوت :اكيد اتفرتكوا ••وطيرانهم ها يصطادك
السويسى - ها أجيبهم ها اجيبهم عايشين •متفرتكين
صوت - الضرب قرب علينا ••أسرح فى إتجاه السويس
السويسى - دول رجالتنا ••ومش أجدع منى
(صوت قارب يهدئ )
مسئول اللاسلكى - يلا أسحب بهدوء
السويسى - مات
مسئول اللاسلكى - مغمى عليه و جسمه متكسر
السويسى :أدبر عربية ولو بالعافية لمستشفى السويس
مسئول اللاسلكى :و اسعاف لمستشفى المعادى
السويسى - طب وشغلكم هنا?!
مسئول اللاسلكى : ناس تانيه جايه له !
••
المجند متأثرا••ها يعيش يا أفندم?!
مسئول اللاسلكى - ده زى القطط بسبع أرواح
هايقاوم ويعيش ويتعالج
وننتصر ويقعد يحكى حكاياتنا لأولادنا وأحفادنا
(صوت موتور اللنش يتحرك )
••
المذيع (غرقت السفينة وتم انتشالها 1977 بعد 4سنوات من النصر وسحبت خارج القناة وبيعت خردة)
(حلقة أذاعية)
محمد علي السيد يكتب : الاسطول الاصفر.. بث مباشر
