"رمضان كريم.. طمنونا وقولولنا يوم الأولاد بيمر إزاي في رمضان ما بين الصيام والمذاكرة ومتابعة المسلسلات"، منشور وجهته عبير أحمد، مؤسس إتحاد أمهات مصر للنهوض بالتعليم، وإئتلاف أولياء الأمور، إلى أولياء أمور الطلاب، علي صفحة الإتحاد والإئتلاف في الفيسبوك.
وإنهالت التعليقات من جانب أولياء الأمور، حيث قالت ولي أمر: "أولا: كل عام وأنتن بخير، ثانيا: على طول معودة ولادي أول يوم رمضان أو العيد فقط إجازة تامة من أي مذاكرة وبعد كده بنقسم وقتنا عادي على طول اليوم بمعدل 4 ساعات اتنين صباحا واتنين بعد الفطار لأن أهم حاجة هو الكيف وليس الكم".
وأضافت ولي أمر أخرى: "كل عام وأنتم بخير وسعادة وعافية، لسه أول يوم فر، بعد كده فى الغالب بنذاكر قبل الفطار، ما عدا طبعا بنوتى اللى عندها ثانوية عامة، ربنا معاها ومع كل الطلبة يارب العالمين".
وتابعت أخرى: "كل عام وأنتم بخير، أولا مافيش مسلسلات، ثانيا بتذاكر الخفيف قبل الفطار، وبعد الفطار على الساعة ٨.٣٠ كده نبدأ في المواد الثقيلة، ووحدة ووحدة كله هيبقي تمام وربنا ييسر الحال".
