أكدت الفنانة زينة، على حرصها على حث الآباء والأمهات على توعية أبنائهم بالقضية الفلسطينية، وهو ما جعلها تذهب مع أولادها "عز الدين وزين الدين"، لـ جمعية الهلال الأحمر والمشاركة في تجهيزات مساعدات قطاع غزة.
وقالت زينة في تصريحاتها في برنامج الراديو بيضحك، عبر إذاعة الراديو 9090: ولادي بيروحوا دور للأيتام وعندهم أصحاب هناك وبيقولوا عليهم إخواتهم، ولكن مبصورش ده لأن اللي عايز يعمل خير بيعمله من نفسه، وساعة الهلال الأحمر وفلسطين أنا ضحيت بـ ولادي علشان كل واحد يعلم ولاده إن في فلسطين وأرض وعرض، وعايزة عيال قوية يحسوا باللي حواليهم.
اقرأ أيضاً .. نسرين طافش تشارك في بطولة فيلم «المصيف»
أما عن سبب عدم إظهار أولادها عبر مواقع السوشيال ميديا، فعلقت زينة: عيالي مش مُطالبين إنهم يظهروا على السوشيال ميديا، وبتضايق لما حد يقولي وريني ولادك، أنت مالك؟ هو أنا طلبت منك توريني ولادك؟ دي حاجة خاصة والولاد بيكونوا حساسين أوي ناحية الحسد، وأنا بتحرم من إني أنزل أخرج معاهم وبخاف عليهم أوي، والجمهور له عندي شغلي مش حياتي الخاصة.
كما تحدثت زينة، عن مشاركتها في فيلم الإسكندراني، قائلة: التجربة كلها كانت لذيذة، وأنا لما أشتغل مع مخرج كويس أوي مقدرش أحكم على زملائي لأن كلهم هيبقوا كويسين، اختيار المخرج هو الأساس في كل حاجة وده اتعلمه في الآخر بعد ما ضيعت شوية سنين، وأنا بليق في كل الأدوار.
