حلت الفنانة منى زكي والمخرج هاني خليفة ضيوف في برنامج الحكاية الذي يقدمه الاعلامي عمرو أديب عبر قناة mbc masr للحديث عن فيلمها الجديد "رحلة 404" والذي يعرض حاليا في السينمات.
وتحدثت منى عن عدم خوفها من تقديم الفيلم:" لا مكنتش خالص في المرحلة دي مكنتش لسه دوقت النار عشان اخاف لا بصراحة من اول يوم قريته وانا مش شايفه ان في حاجة وحشة بالعكس شايفه فلسفة ورائه".
اقرأ أيضا: أهل الراديو| برنامج «إن الله معنا» على «شعبي إف إم»
وتابعت: وعجباني الطريقة اللي كل واحد بياخد الفكرة دي والفلسفة دي ويمنطقها على كيفه ومكنتش خايفة لما صورنا شوية كنت ابتديت افهم يعني اي هجوم ويعني اي الناس تطلعك على المسرح".
وقالت منى زكي في البرنامج: "الفيلم للكبار فقط والسيناريو خضني وخد مني وقت طويل في التحضير للفيلم حوالي ١٠ سنين احنا الورق وصلني المخرج هاني خليفة جابهولي من الكاتب محمد رجاء كنا كل مانقعد ونقرر هندخل نبعت للمنتج والمنتج يقرا الورق وبعدين يقول دة الفيلم حلو اوي بس دة مش جماهيري مش هيعجب الناس فانا اسف ياجماعة مش هقدر انتجه".
وأضافت: "فنقعد نحبط شوية نتأخر شوية نتوه في الدنيا شوية نرجع تاني ندور على منتج تاني يعني لفينا تقريبا على كل المنتجين وكانت دايما نفس الردود الفيلم حلو اوي بس مش جماهيري مش هيعجب الناس".
وتابعت حديثها:" وبعدين في الاخر المنتج محمد حفظي تحمسله لانه مغامر جدا مع انه هو نفسه رفضه قبل كدة بس مكنتش متخيلة".
أبطال فيلم رحلة ٤٠٤
وشارك في بطولة الفيلم كلا من: بطولة منى زكي بالاشتراك مع مجموعة كبيرة من النجوم، وضيوف الشرف: محمد فراج، محمد ممدوح، شيرين رضا، خالد الصاوي، محمد علاء، حسن العدل، سما إبراهيم، شادي ألفونس، رنا رئيس، جيهان الشماشرجي، عارفة عبدالرسول، نورا شعيشع، من تأليف محمد رجاء وإخراج هاني خليفة، ومن إنتاج محمد حفظي وشاهيناز العقاد.
أحداث فيلم رحلة ٤٠٤
تدور أحداث الفيلم حول سيدة تدعى غادة تعمل مندوب تسويق عقاري وتحاول خلال أحداث الفيلم التخلص من ماضيها وحياتها السابقة وتحضر للسفر للحج لكي تعلن توبتها وتتقرب من الله لكنها تقابل والدتها التي كانت السبب في الآلام التي عاشتها وتتعرض والدتها بعد ذلك لحادث كبير وتتوالى الأحداث.
