تحدثت الفنانة منى زكي، عن تفاصيل فيلمها الأخير الذي يعرض الآن بدور العرض رحلة 404»، لبرنامج «أسرار النجوم» مع إنجي علي عبر إذاعة «نجوم إف.إم».
وقالت منى، عن مخرج العمل: «هاني خليفة مخرج كبير جدًا وأحبه على المستوى الإنساني والفني، يركز في التفاصيل والنتيجة اللي طالعة دي هي رؤية هاني في الدور والفيلم، صحيح كان معانا ورق مكتوب حلو أوي لمحمد رجاء لكن هاني خليفة له رؤية مميزة وتدخله في أدائنا كممثلين هو اللي طلع الشحنة القوية دي».
اقرأ أيضاً| أهل الراديو| أم كلثوم في المتحف الكبير
وعن رأي زوجها الفنان أحمد حلمي في العمل، قالت: «حلمي مبسوط من الفيلم جدًا ومعجب جدًا وهو راجل محترم، ومن أول ما اتجوزنا بيساند وبيفهم يعني إيه المرأة بتكون متضايقة من حاجة وهو بيحب ينصر المرأة بشكل عام، والطريقة اللي بيتعامل بيها مع مامته وأخته تؤكد احترامه».
كما تحدثت عن الفلسفة وراء فكرة الفيلم، وقالت: «ربنا الأعظم مننا كلنا بيغفر فالمفروض الناس كمان لا تحكم عليكي ولا تصدر أحكام يعني أنا دي وجهة نظري والفلسفة اللي ورا الفيلم فكرة الذنب وإحساس الشخص بالذنب وتساؤلاته جواه هل هيتغفر له ولا لا، هذه هي الفلسفة ورا حدوتة الفيلم اللي متقدمة.. وأنا في الحقيقة طبعا بغفر وأكيد بتمنى أي حد غلطت في حقه يغفر لي، وأنا مع إني أغفر ويتغفر لي».
أهل الراديو| منى زكى تحكى كواليس «رحلة 404» لـ«أسرار النجوم»
