«صبرا آل دحدوح» قصيدة للشاعر طه إبراهيم

مهما أصابك يا دحدوح

عند المولي مش ها يروح

عارف جدا حجم الطآمه

وإن القلب أصابه جروح

حلم حياتك كان قدامك

فجأه الحلم انتهي بصاروخ

لكن حلمك مش هايموت

حلمك عايش جوه الروح

عايش ليل ونهار جوانا

بيعلمنا .... أصول ... البوح

بيعلمنا .... الصبر يا غالي

مهم يكون البال مذبوح

صبر ثبات رغم الأهوال

رافع راسك كده في وضوح

ابنك بنتك حتى حفيديك

حتي الزوجه وآل دحدوح

وانت الجبل العالي الشامخ

لا بتستسلم ....ولا... بتنوح

عارف إن الجنه مكانهم

وإن الحزن دا غير مسموح

وإن الشهدا مش بيموتوا

دول عايشين في مكان مفتوح

جنه يا عم وما أدراك

يعني نعيم وعبير بيفوح

أصل الشهدا ربي اختارهم

واشتري منهم نفس وروح