صرحت المطربة إيناس عز الدين عن سبب قلة الأعمال الفنية للمطربين.
وقالت إيناس عز من خلال برنامج "free time" تقديم الإعلامية يارا أحمد والإعلامية نسمهار الصغير على قناة (هي): "العيب مش فينا العيب في الجمهور، لأنه دبحني وذبح نجوم كتير بسبب بنعمل نسب مشاهدة عالية لناس بيغنوا ولا صوت ولا منظر !".
وأضافت: "في نفس الوقت مطرب عنده صوت جميل وموهبة بجد ولكن مفيش حد بيديله اهتمام ولا حد يعمل شير ومطالب يدفع فلوس كتير دعاية للأغنية ويا تنجح يا ماتنجحش فده ظلم لينا طبعًا".
وكشفت عن أكثر أغنية نالت إعجابها خلال الفترة الحالية قائلة: "أكتر أغنية عجبتني الفترة دي وتستاهل فعلاً التريند أغنية (مخصماك) للمطربة نوال لأن فكرتها جميلة والملحن والكلمات مختلفة فتستاهل التريند فعلاً".
ووجهت رسالة للمطربة نوال: "شدي حيلك في اختيار الأغاني اللي جاية لأن أغنية مخاصماك نجحت وكسرت الدنيا هتحط على أكتافك عاتق كبير أن الناس مش هترضي بمستوى أقل في الأفكار".
