فيه ناس تروح المساجد
وناس تروح تسكر
وناس تلوم إلى ساجد
قال أيه بيتمنظر
وناس تحب المفاسد
وناس بتتعنطر
وناس هواها تعاند
في الهايفة تتصدر
وناس تقابلك يا ساتر
م السحنة والمنظر
وناس أملها تساعد
لكن بتتقنطر
وناس هدفها تحارب
طبع الزمان ل غبر
وناس ريحتها نسايم
م الشهد والعنبر
وناس حياتها تقاسى
كاس الهوان وأكتر
وناس عشرتها مكاسب
وحنانها متعطر
وناس طريقها مصايب
مشورتها بتأخر
وناس مزاجها تشارك
بالجهد وتكتر
وناس صغيرة ولكن
ع الناس بتتكبر
وناس كثيرة المنافع
عنوانها توب أخضر
وناس تحب المودة
بودادها بتعبر
وناس ظريفة المعاشرة
للرب تتشكر
وناس مرادها تعاهد
المولى وتكبر
وناس تروح المعاهد
للعلم وتحضر
وناس جميلة المحاسن
للزرع بتخضر
وناس تحب الأصول
بالحق ما تكفر
وناس بتلغى العقول
للأصل تتنكر
وناس تحب الرسول
وبعطره تتعطر
وناس بذكر الإله
تشرب من الكوثر!؟
