قالت الفنانة بسمة إنها ضد التطاول اللفظي من جمهور السوشيال ميديا على الفنانين، وأضافت بسمة في لقائها ببرنامج يحدث في مصر على قناة mbc مصر: "أي حد في الدنيا ممكن يقول رأيه، والمبدأ الأول في الحريات إن ليك حرية إنك تقول رأيك طالما لا تتعدى عليا ولولا اختلاف الآراء لبارت السلع".
وتابعت: "اللي بيتكلم لما يتعدى حد معين منقدرش نقول إن الفنان شديد الحساسية، ثانيًا أنا مبطلبش من الجمهور العادي أنه يبقى ناقد متخصص، ممكن يقول الفيلم مش عاجبني فأنا مش طالبة منك رأي متخصص".
اقرأ ايضاً| لماذا حزن الجميع على رحيل هشام سليم؟
وأوضحت: "لكن طالبة منك متتعداش عليا لفظيًا، وماتنساش إني بني آدم زيي زيك، أولادي هيقروا التعليقات دي، وطالما الناس بتقول في إطار عاجبني ومش عاجبني ولم توفق ووفقت في الدور، كل دي حدود مقبولة، أما أبعد من كده بعتبره جبن، لأنه شايفني وأنا مش شايفاه، ومبيراعيش إني بني آدم عندي طاقة احتمال".
