ترهقنا الشئون المعنوية للقوات المسلحة بمأمورياتها
التحرك الساعة 3 يا افندم
الاحقه متغافلا
العصر
!الفجر يا افندم
**
يومان إذن من الارهاق
تنهى ..عملك فى المجلة أو حيث كنت ..
تعود لبيتك (وعنيا مجافيها النوم يا مسهرنى)
يزن بعقلك دينامو الصحافة ••فين ••مين ••لماذا ?!
بحث فى مواقع المعلومات ••
ضجر تذكرك كتاب ينفعك وضعته فى مكان أمين نسيته !
تليفون مهم ضاع بتجديد تليفونك •تتسوله من الزملاء
الملابس ( برد وحر ) ••رسمى بالبدلة
ولا كجوال لحرية الحركه
••
تغادر منزلك فى الثانية فجرا تحسبا لعطل سيارتك
و ندرة تاكسيات الليل بمنطقة سكنك ••
لجان مرور ليليه مرهقه مستفزه
تصليحات طرق وكبارى
هناك من سبقوك ( زملاء وزميلات )من مسافات أبعد
ومحافظات حسب وجودهم وقت التبليغ
••
تنعم بهدوء نسبى للشوارع ( القاهرة لا تنام )
••
يخدعك نعاسك المراوغ وسكون الفيلات والعمارات حول مبنى الادارة وبابها الصامت المغلق تزيحه
••
تجد (الدنيا نهار )الكل مستيقظ فى خدمته الليلية
(مهمات ومأموريات ) لاتنتهى على مدار الساعه
بصالة التحرير جنود خريجوا كليات الاعلام
يعدون تقارير ماأصدرته الصحافة
وأذاعته وعرضته وسائل الاعلام
(قبل أول ضوء )
الضباط نحل زنان بين مكاتب يأتون بأوراق معلومات يتممون على أتوبيسات تواجدت من ساعات
مستلزمات تأتيها عربات فى موعدها
زملاء يلاقونا فى محطات على الطريق
يتأكدون من إستيقاظ السهرانين فى طبعاتهم وبرامجهم وقنواتهم
تمام كاميرات وميكروفونات وأجهزة تسجيل و..و...
••
علاء بكرم الشراقوة يعزمنا على شاى ساخن أيام البرد وإيهاب بمشاغباته يأتى بكتيبات يعطيها للبعض
تجدها بعدها بوفرة للجميع
ياسر يرد على تعليقاتنا بعقل صاحى
وأحمد مختفى فى الاتوبيس يجهز اشياء و...و....و....
••
تدخل زميلة بكوب ورقى و(نيسكافى) من بنزينه شهيرة يجاوبها صوت متغاضب
(أعمل لنا يا أبنى كباية شاى تقيل فى الخمسينه صعيدى يعدل دماغنا على الصبح )..
تستفزه( لو قلت لى كنت جبت لك معايا )..
وتعلوا ضحكاتنا
*••
تظهر على الطريق خبرة الضباط والسائقين
طرق أسرع للوصل ( أصله فى المره اللى فاتت)
تدرك أنهم جاءوا عشرات المرات
يتابعون ما يتم قبل وصولنا وسجلوا البروفه النهائية وكتبوا مشروع لمادة النشر
وفيلم تسجيلى وراءه جيش من المعدين والمصورين والمخرج فى توليفة تاريخيه مع الحاضر
حتى بروفة الامس وجاهز قبل وصولنا وكبار القادة
••
تلتقط فى سكون مؤقت ودودة
( الحمد لله عدت جنب دماغى وجات فى المراية الخارجية للاتوبيس .والله ربك اللى بيسترها) ..
-ايه ده يا أفندم؟!
-هه ••ده مشوار كده!
*••
فى أحدث القاعات قبل الافتتاح ندخل أماكن
ونشاهد أشياء لن يسمح الامن برؤيتها
!ليست للنشر ولكن لتكونوا مطلعين على ما يتم -
*
فى القاعدة العسكرية الساحلية و رماية بالذخيرة الحية يستدعون لنا القائد الميدانى يتحمل
رغم الاستغراب العسكرى كل أسئلتنا الممنوعه
قبل المسموحه نفهم تفاصيل ما يحدث لننقله للقارئ
*•
على قطعه بحرية جديدة ••عمتنا بهجة دقة الأصابات بالذخيرة الحيه ••يأمرنا احدهم بالدخول فورا
من مهبط الطائره المفتوح على يود البحر وزبد الامواج وفسحه زرقة السماء عن مكاتبنا المغلقه
أحدث الكامير العالمية الطائرة تنقل المشهد على الهواء فى التليفزيون تزن فى العلالى كالنحل وأسمهامنه ( درون )..
- أيوه يا سيىدى نسينا أيام المصورين بالأحزمة المثبته فى الهليوكبتر المفتوحه والكاميرات بالحوامل المعدنية حتى لا يطيروا فى الهواء
- الدنيا بتتقدم كل لحظه يا أفندم والقوات المسلحه دائما لها الرياده
*
على الميستيرال بعرض البحر يرعبة تزحلق أحدنا
فى الصعود من القارب المتحرك لحاملة الطائرات المبحرة
يلحقه شباب جنود البحرية المتمرسون
يلتقط أنفاسه ..(كنت هابقى نسبة خسائر يا أفندم )
*
فى هنجر الغواصات نلاحقه عاوزين نزورها يا أفندم يبتسم ويتركنا نلاحقه
_طب نظره واحده •من على البرج
علشان نكتب كويس ..
-يا أساتذه ما أنتم عارفين أنه ممنوع
**
فى أستقبال أحدث الطائرات المقاتلة اسأله مراوغا
مش نطير عليها يا افندم ونعمل موضوع جميل ?!
تلمع عينيه عن خبث خبرتنا ..
-كفائتك الجسدية تقدر على مجهودها?!
-يا افندم مجرد سؤال !
**
صوت من المقدمة ..
يا أفندم ما ينفعش نقول القطعه البحرية الجديدة عادت لمصر هى (وصلت )لأنها صنعت بالخارج
لم تسافر أصلًا لنقول عادت
يتجاوب أخر من الوسط
_يا أفندم فى خبر الارهاب ما ينفعش قتل كذا أرهابى لاننا نبدوا المعتدين فى حين هم المعتدون
يقال مقتل
يتواصل سجال لغوى أمنى دقيق لنتفق على الصحيح ووعد من الضابط المسئول
-حاضر سنراعى ذلك فى الاخبار والموضوعات القادمه
••
لو سمحتم يا جماعة الصوت
-يا ريس علشان أنت مجلة أسبوعية هاتنام وتسيبنا نتهلك شغل ?!
-مين قال إنى ها أنام ••أنا ها أشحن بطاريات ذهنى علشان اكتب بكره حاجه مختلفه عنكم
تنشر بعد أسبوع .
وأتجاوز صحافة أخر زمنى ••
موقع على الوات ساب تصل الماده فى ثانية
وترسلها لجورنالك فى دقيقة .
الله يرحم أيام الأملاء بالتليفون والفاكس بأوراقه الغامقة .
بيتهيالى يا ريس أنت بتتكلم عن حرب الهكسوس !!!
لا والله ياحبيبى ده لغاية حرب اكتوبر 1973
وأتعمل به أحلى شغل
••
الدنيا دلوقت بتتقدم فى 10 سنوات قدر ما كان يتم فى 100 سنه
وادى الشئون المعنوية مثال ••أحدث وأسرع الاجهزة وتتابع الجديد فى العالم لحظيا
علشان تبقى دائما فى الريادة
*
يقف (أخف دم )فينا يتسأل بجديه صارمه
(هوه لو جرى لنا حاجه فى المأمويات دى
ها يطلقوا أسمائنا على شوارع رئيسية ولا فرعيه ..
وأرتج الاتوبيس بالقهقهات
••
فصل من كتابى
(مأمورية مع الشئون المعنوية)
محمد على السيد يكتب: مأمورية مع الشئون المعنوية
