■ كتب: حمد الترهوني
ضرب الطفل آدم محمد عطا صاحب الـ10 سنوات ابن محافظة المنيا مثالاً مشرفا في الأمانة، بعدما أعاد مبلغًا ماليًا قدره 15 ألف جنيه لتاجر فُقد منه المبلغ أثناء عودته من أحد أسواق الماشية.
وأضاف جمال التاجر صاحب المبلغ: "آدم عنده 10سنوات النهارده لقي في بني حسن في الشارع مبلغ 15 ألف جنيه ماروحش البيت أخذ الفلوس وقابل أحد كبار القرية يدعى الحاج مكرم عنتر، وقالوا أنا لقيت الفلوس دي في الوقت ده كان فيه تاجر دايخ على الفلوس بتاعته المهم قابلوه وعطوه فلوسه آدم الطفل رفض ياخد أي فلوس وقالي جملة عمري ما انساها المال مالك ومش عايز فلوس دي فلوسك ورفض ياخد أو فلوس".
وتابع: "دي التربية على الأمانة من الصغر.. نتمنى جميع أطفالنا هكذا تكون تربية على الأمانة وعدم الكذب والصدق هو نهجوهم علشان يكبر يبقي يتعود علي المبادئ الصحيحة".
◄ اقرأ أيضًا | «شغال من 3 أيام وسرق 1.7 مليون جنيه».. جهود مكثفة للبحث عن حارس خاص
يقول آدم لـ«بوابة أخبار اليوم»: "عثرت على مبلغ مالي بالنسبة لي كبير جدا داخل حقيبة بإحدى شوارع قرية بني حسن ، وتفاجأت عندما وجدت المبلغ، ما دعاني إلى البحث عن صاحبه لإعادته إليه على الفور".
واستكمل: "لما لقيت المبلغ أول حاجة فكرت فيها ياترى الفلوس دي بتاعة مين.. ويا ترى صاحبهم حالته شكلها ازاي دلوقتي لما ضاعت منه، وعلي الفور لما افكر للحظه واحده وبدأت في البحث عن صاحب هذا المبلغ وذهبت الي الحاج مكرم وأعطيته المبلغ والحمد لله رب العالمين تمكنا من الوصول إلى صاحب المبلغ المالي".
وأشار إلى أن صاحب المبلغ لم يكن يصدق عينه عندما رأى الأموال عادت إليه، مشيرًا إلى أنه عرض عليه أخذ مبلغ 14% من الأموال كمكافأة، لكنه رفض الحصول على أي مال منه.
وتداول رواد مواقع التواصل الاجتماعي صور الطفل آدم، معلقين: "شكراً آدم ربنا يبارك وفي والديك على حسن التربيه والأمانة والصدق.. بارك الله فيك ابنا الغالي الأمين".
