الشِعر مش صنعه
لا محايله
ولا عافيه
ولا وزن
أو قافيه
الشِعر:
لُه معافره وسط الحياه
وواد جسور
عمدان لنور
أغنيه نيلي مزركشه
كل الحاجات المُدهشه
الشِعر :
صدق التجربة
رغم المجاز
ف عيون خَضَارْ
ليلي
وكحيله
ساعة تجلِّى
بسمة صفا
لحظة شَفَقْ
أو صبح بمبي
وحمامه بيضه مرفرفه
حطِّت علي قلبي اللي خام
الجرح نام
ودعني حزني وقال سلام
بفيونكه كانت لابسه بالطو
وبجناحات
أهدتني كبسولة غرام
هج المنام
خاصمت فؤادي غربته
ويوماتي مستنى اللقا
بسمة صفا
لحظة شفق
أو صبح بمبي
