حرص المخرج أحمد ثروت نجل الفنان الكبير محمد ثروت، الرد على متابع تنمر على مرضه، وذلك عبر حسابه الشخصي على موقع التواصل الاجتماعي فيسبوك.
وعلق المتابع على أحد منشورات المخرج أحمد عبر فيسبوك قائلًا: "أبوك طلع معاه فلوس أهو وبيعالجك كويس أومال مش بيتبرع للبلد ليه".
ورد المخرج أحمد ثروت قائلا: "أستاذ سمسم، مساء الفل كل الي عالبر عوام، التنظير في المرض مؤلم لصاحب الاختبار جداً.. وكل إللي أقدر أقولهولك ربنا إن شاء الله ما يعرضك أنت أو أولادك أو والدك أو ولدتك لمرض زي الي عندي الي لو معاك فلوس الدنيا مش بتفيدك غير رحمة ربنا عليك ودعوات الناس".
وتابع ثروت: "أنا معرفش حضرتك بس صدقني عمري ما أتمنى ليك دقيقة ألم من إللي بتعرضلها يومياً حتي لو معاك مال الدنيا وبتتبرع البلد كل يوم، يومك جميل وربنا ما يكتبها عليك وان شاء الله ماتشوفش وحش قس أي حد بتحبه في إختبار زي دة".
وأثار تعليق هذا الشخص على منشور المخرج أحمد ثروت غضب الكثير من المتابعين والمحبين وقام بحذفه.
