علقت الفنانة ياسمين وافي ابنة الفنان الراحل ممدوح وافي، على دورها في مسلسل «فاتن أمل حربي»، قائلة: «عرض عليا دور أكبر من اللي قدمته وطلبت من المخرج دور تاني أقل بس تأثيره أكبر وأنا لا أهتم بحجم الدور ولكن بتأثيره».
وأضافت «ياسيمن»، خلال لقائها مع الإعلامي دكتور عمرو الليثي ببرنامجه «واحد من الناس»، على شاشة «الحياة»، وأنا يمكن علشان اشتغلت مخرج منفذ فالفن مش بالنسبة لي رسالة وليس لقمة عيش.
وعن دورها في مسلسل «موضوع عائلي»، قالت: "قدمت شخصية أم ليث، وأنا ربنا رزقني بمخرجين جامدين جدا أستاذ أحمد الجندي، منظم وقوي جدا ودارس السيناريو والقصة كويس وبيعمل جلسات قراءة لكل الممثلين".
اقرأ أيضا بسبب قضية وفاء مكي.. أسرة ممدوح وافي تقاضي ريهام سعيد
واختتمت ياسمين: "مثلت بعد وفاة والدي ممدوح وافي بـ١٥ سنة، وهو كان بيحب شغلانته أوي وفخور بيها أوي، وعنده شغف حقيقي بالتمثيل، وكان عنده قبول مثل الأطفال، ووعي فني ازاي بيحول الشخصية اللي بيعملها إلى نمط فني، وهو كان يفضل المسرح عن أي أعمال فنية أخرى وكان بيبدع فيه لأنه بيحب المسرح، وكان فخور بشغله مع المخرج عاطف الطيب، ومسرحية على بلاطة وكان فخور جدا بها، وفكرة أنه أخد حظه من الشهرة لم تكن تشغله، لأنه عاش اللي بيحبه، وأنها شبهه جدًا جداً ".
