كشف الإعلامي أحمد موسى، عن إذاعة حلقة خاصة من ميدان الشهيد هشام بركات، (ميدان رابعة سابقا)، يوم الثلاثاء المقبل، عبر قناة صدى البلد، مبينا أنها ستكون أول حلقة تليفزيونية تذاع من قلب الميدان منذ 10 سنوات.
اقرا ايضا| الحالة المرورية.. إغلاق كلي للأوتوستراد وكثافات متوسطة في وسط البلد
وأضاف خلال برنامج «على مسئوليتي»، المذاع على قناة صدى البلد، أن الحلقة تم تصويرها من قلب ميدان الشهيد هشام بركات ليعلم كل مصري ماذا كان يجرى في هذا الميدان؟، من جماعة الشر والدم والإرهاب وتنفيذه من مصر، قائلا: «هنقول فيها كل حاجة واللى كان بيحصل في البلد، وفي الحلقة هتسمعوا اللى إنتوا نسيتوا، بس عمرنا ما هنسى خرابهم وتدميرهم، واللى عايزين يرجعوها والله عايزين يرجعوها، والله لوجت لهم فرصة هيعموا كده، لو لقوا فرصة يقتلوا واحد في الشارع هيقتلوا».
وأكد أن الشعب لم ولن ينسى جرائم جماعة الإخوان الإرهابية، مشددا على أن الشعب المصري لن ينسى ما قامت به هذه الجماعة الإرهابية من احتلال لميدان رابعة والتخريب والتدمير، والتهديد بقيام ثورة إسلامية مسلحة، متابعا:«دول عايزين نفس واحد بس وهيعملوا قد أد اللي عملوا 100 مرة».
وأوضح قائلا:«والله منتظرين الفرصة لارتكاب جرائهم مرة أخرى، قوة مسلحة في الشوارع، والله لا كانوا بتوع دعوة ولا ربنا ولا دين، دول خونة على طول الوقت، هو مين اللى اغتال الشهيد هشام بركات، ده كان في إرهاب بيرتع في كل مكان في مصر، الأسر المصرية اللي فقدت أعز ما تملك في الدنيا، هنقولهم إيه، ميليشيات إخوانية، كانت بتفجر في كل حتة، 10 سنوات مرة علينا، دي جماعة من الخونة والمجرمين».
وأوضح أن جماعة الإخوان، هددوا مصر بأكبر اعتصام مسلح في التاريخ، قائلا: «هو مين اللي إدهم أصواتهم، مين اللي قالهم تعالوا إحكمونا، هم دول كانوا يظهروا بالشكل ده، لكن شعب عظيم، نجح في أن يتصدى لكل إخواني في كل الميادين، والتصدي للإخوان أو من يقف معهم».
وتابع الإعلامي أحمد موسى، أن الإخوان حاولوا زرع الفتنة وتقسيم مصر، موضحا: «أنا عارف التاريخ بتاعهم كويس أووي، محدش كان بيتكلموا عنهم، إحنا لا نخشى إلا الله سبحانه وتعالى، في ناس اتحالفوا معاهم، لازم نفتكر الفترة دي كويس، والسنين الصعبة اللي مرت علينا».
وقال: «عناصر جماعة الدم كانوا بيلبسوا النقاب، دول رجالة، والله ما كانوا رجالة، هم على عهد الخيانة والقتل، والتاريخ لن يرحم أبدا كل من ساعد الإخوان، وأنا واحد من الناس لا يتغير مع أحد ساعد ودعم الإخوان على القتل والدم، مش لازم نسامحه، ده موقف الشعب العظيم، وتم إرسال لهم الشيخ محمد حسان، حقنا للدم، لكن هم عايزين وعايشين على الدم، وكان في جلسات كثيرة من الرئيس المعزول، قبل قيام الثورة بأيام».
وأكمل الإعلامي أحمد موسى: «إنتوا عارفين مرسي عمل إيه، مع قيادات الداخلية وطلب إيه، ده كان قاعد مهم واتعصب وكان بيتنطط، قالهم لموا الناس دي وإدفنهم في الصحراء، قال كده، المجرم، قال دول 300 أو 400 واحد، لموهم وإدفنهم، وده علشان الكرسي، وهو ده سهل، مع قيادات الداخلية، قالهم نصا: «خدهم وإدفنهم في الصحراء، لكن كان في شرفاء في وزارة الداخلية، هتسمعوا كتير، قائمة السفر، مكتوبة بخط اليد، امنعوا دول من السفر، إحنا مكناش في بلد، كنا في مآساة، في ناس مش حاسة، علشان راح قعد مع الإخوان، افتكروا علموا إيه في المصريين وإخوانا المسيحيين، حسوا إن البلد دي مش بلدهم، ده كمان الكاتدرائية دمروها لم يحدث إلا في عهد الإخوان».
ولفت قائلا: « في قنوات معادية لمصر وكارهة لها شوف قناة العربية مش قناة تانية، دي قناة العربية، مصر كبيرة وهتفضل كبيرة ولن تركع إلا الخالق سبحانه وتعالى، وهنحمى بلدنا، وهنتحمل أي صعاب وأي تحديات، الشعب العظيم ده قادر يتحمل تاني زي ما اتحمل قبل، ومش هيسمح إن بلده تقع تاني، إحنا في 57 يوما، عدد سكان مصر زاد 250 ألف مواطن».
