أعرب مغني المهرجانات أورتيجا، عن استيائه الشديد بسبب اتهام الملحن عمرو مصطفى لـ مطربي المهرجانات، بسرقة الألحان ووضعها على أغاني المهرجانات، وذلك خلال تصريحات تلفزيونية له.
أورتيجا: مينفعش يذكر أسماء بعينها ولا يتكلم عننا بشكل عام.
وأكد أورتيجا، أنه حاول التواصل مع الملحن عمرو مصطفى بعد تصريحات الأخير لـ توضيح الأمر، مردفًا: أنا زعلان من عمرو مصطفى جدا بعد تصريحاته الأخيرة عن جميع مطربي المهرجانات، ومينفعش يذكر أسماء بعينها ولا يتكلم عننا بشكل عام، وحاولت أتواصل مع عمرو مصطفى قبل ما أكتب البوست وأهاجمه على تصريحاته ولكن معرفتش أوصله.
أورتيجا لعمرو مصطفي: إحنا مش حرامية إحنا ناس صناع
وحرص أورتيجا علي توجية رسالة شديدة اللهجة لـ عمرو مصطفى، قائلًا: إحنا مش حرامية إحنا ناس صناع ونجوم كبار بتطلب مننا كلمات وألحان وتوزيع وبيحققوا من خلالها ملايين المشاهدات، وبقوله ربنا يكرمك في حياتك وتبقى من أحسن الملحنين في العالم ومتتكلمش عن حد وخليك في حالك ورد بشغلك.
وتحدث أورتيجا عن سرقة مطربي المهرجانات للألحان ووضعها على أغانيهم، إذ قال: سرقة تراك الأغنية كامل كوبي بيست هذا يعتبر سرقة، لكن ممكن تستوحي شيء من مزيكا وأنا بسمع كل الثقافات، ومش حابب أذكر أسامي ناس كبار محققين 200 مليون من ألحان مسروقة ومفيش حد في الوسط الفني مبينحتش ومفيش حد حاليا بيبدع.
