علقت الفنانة ومقدمة البرامج سارة نخلة على تصريحات الفنانة حورية فرغلي التي تصدرت التريند حول استئصال الرحم وعدم قدرتها على الإنجاب ورفض طلبها في تبني طفل بسبب عدم زواجها قائلة: "أنتي مستوفتيش شروط الكفالة".
وقالت سارة نخلة خلال برنامجها "فيس أوف" على شاشة قناة هي: "في بعض التصريحات مينفعش يا جماعة إننا نقولها عن عبث بدون سيرش أو نسأل، مينفعش نجمة بحجم حورية فرغلي تطلع تقولك أنا منعوني من التبني، لو جينا للدين إحنا حرام نتبنى، في حاجة اسمها كفالة اليتيم، في دولة بتشتغل كل سنة على مشاريع جديدة وتسهيلات كتيرة جدا علشان نقدر نكفل اليتامى والأطفال اللي محتاجة رعاية".
وتابعت: "القوانين اللي بتتعمل أو التسهيلات دي الهدف منها تقليل عدد المؤسسات أو دور الرعاية، وزيادة عدد الأطفال المكفولين، إحنا كدولة بنشوف مشروعات من وزارة التضامن الاجتماعي بتوفر وتسهل لينا الكفالة فمينفعش أطلع أقول مسمحوش ليا لأن في شروط للكافلة ممكن يكون حضرتك مستوفتيش الشروط كلها، الكلام واضح ومش محتاج ترجمة مش هصحي الصبح أقول عايزة أكفل طفل فهيحصل".
برنامج "FACE OFF" تقدمه سارة نخلة على شاشة "هي" يوميًا من السبت إلى الاثنين، وتستضيف خلاله عددًا من نجوم الفن، وتناقش القضايا المطروحة يوميًا بين الجمهور.
اقرأ أيضاً - حورية فرغلي في أول ظهور بعد عملية «استئصال الرحم»
