طالب المنتج مصطفي السويفي، بحقه الأدبي في أغنية "أيوه أنتي" التي طرحها المطرب محمد عدوية مؤخرا، وكتبها منذ 12 عام لكنه لم يذكر عليها اسمه أو اسم المحلن.
وقال مصطفي السويفي عبر صفحته الشخصية علي "فيس بوك": "أيوة أنتي، أغنية أنا كتبتها من ١٢ سنة لأخويا وصديقي محمد عدوية اللي بعتبره صاحب فضل كبير عليا وبعتبره واحد من أهم الأصوات في الوطن العربي كله».
وأضاف: «والأغنية نزلت الأيام اللي فاتت، بس مستغرب ليه شركة الانتاج بتاعته مكتبتش ولا اسمي ولا اسم الملحن على الأغنية !!! ومش لاقي تفسير بصراحة !!!».
واختتم حديثه، قائلا: «عمومًا أيوة أنتي من أكثر الأغاني اللي كان نفسي الناس تسمعها والحمدلله أنا ملاحظ أن الأغنيه محققة نجاح على التيك توك كويس جدًا، عمومًا للتوضيح مش أكتر، الأغنية كلماتي مصطفي السويفي، ألحان أيمن البدري، توزيع معرفش مين للأسف ؟؟، في النهاية عندي شعورين عكس بعض فرحان بالاغنية جدًا وحزين من التصرف جدًا جدًا جدًا».
وكانت الشركة kelma music المنتجة للأغنية، طرحت منذ أسبوعين، أغنية جديدة بعنوان «أيوة أنتي» للمطرب محمد عدوية عبر «اليوتيو»، واستطاعت الأغنية أن تحقق نجاحًا كبيرًا وتخطت الـ100 ألف مشاهدة.
وتقول كلمات الأغنية: "كان صعي قلبى يحس حب يقول عليه لكن اول ماشافك معرفش جرى له ايه ايوة انتى احلى واحدة شافتها عينى يكفى انك نظرة منك بتداوينى ده جمال والله يكون فى عون كل اللى شافك ماانتى اصلك صعب وصفك من جمالك اول ماشفت فى عينك حاجة بتنادينى حلفت يومها تكون عشانى ومش لغيرى وبقيت بنام على حلم فاكره مش ناسيه وجيت لى انتى النهاردة ياحبيبتى تكميله".
