كذب الإعلامي أحمد يونس شائعة وفاته، عقب تعرضه لحادث نتج عنها قطع في أوتار قدمه، وكانت حالته حرجة وقت وصوله إلى المستشفى.
ونشر أحمد يونس صور تدعي وفاته، نشرتها بعض المواقع، عبر صفحته الشخصية موقع التواصل الإجتماعي "فيس بوك".
وعلق عليها قائلا: "مش معقول هوس الريتش يوصلنا للمرحله دي انا والله ما فارق عندي واللي مكتوب لي هشوفه والموت حق بس لما اصحى، الاقي الناس عماله تبعت لي انا مش بعرف ارد على التليفون طول الوقت وفي ناس هتاخد العنوان المزيف".
وتابع: " وفي ناس بيدوروا ع الاخبار على جوجل لما ينط ده في وشهم مش هيقروا اللي جوا لان العنوان قايم بالوواجب وللاسف مش اول مره تتعمل".
وأضاف: "للعلم وبالعند فيكم انا الحمد لله بتحسن وهيطلع لي رجل جديده بس اصبروا شويه😂
الله يهديكم بجد، والبركه في السند جروب عيلة أحمد يونس دايما قايمين بكل واجب والله، وع الجانب الاخر الف الف شكر للصحافه والمواقع المحترمه وأهل الميديا اللي سالوا وتحروا الدقه في نقل اي اي حاجه".
واختتم حديثه قائلا: "هو الحقيقه انا اقل من ينزل عني اخبار والموضوع الحمد لله ربنا لطف فيه لطف عظيم بس كتر الف خيرهم".
