قال الفنان احمد عزمى ان والدته ماتت بسببه وأصيبت بالمرض بعد الأزمة التي حدثت له، وفى اخر ايامها انا خرجت وكانت فرحانه انى بطلت ادمان .
وأضاف عزمى خلال لقائه مع الإعلامى عمرو الليثى بيرنامجه واحد من الناس على شاشة الحياة ، انا بطلب منها تسامحنى الله يرحمها، وهى علمتنى قرآن وحفظتنى جزء عمَّ، وربت ٥ أولاد كما يجب وأنا كسرت قلبها ، وتوفت وبعدها بكام شهر توفي والدى، ولم يحضر أى فنان جنازة والدى وحزنت جدا إن أنا لم اقدم لوالدى ما يستحقه .
وقال عزمى عن الفنان صلاح عبد الله انه فنان جميل فى اول يوم تصوير مسلسل حرب الجبالى ، و قال "خد ياد يا احمد انت اتعشيت قولت لسه قال لى خلاص ما تقلقش اتعشي وهيجيلك الشيك امضي عليه ماتخفش الانتاج هنا كويس وكان بيهزر معايا" .
وعن علاقته بابنه آدم قال انها جيدة جدا وهو عنده دلوقتى ١٤ سنة وأنا اللى بذاكر معاه العربى، وهو بدأ يشكشك كده تمثيل وفى المدرسة عنده كانوا بيعملوا ماكبث وهو مثل فيها .
وأضاف النجم تامر حسنى كلمنى علشان فيلم "بحبك" وفوجئت انه بعتلى رسالة وقال لى انا بحبك يا فنان و عاوزك معايا وافتكرت ان احد بيهزر، و لاقيته تانى يوم بيكلمنى، وقالى الدور حلو وانا شايفك فى التركيبة دى .
وتابع عزمي ان اصعب المشاهد فى حياته وعالق فى ذهنه مقتل اخيه حمدى لانها كانت صدمة كبيرة و لحد الآن مش مستوعب ومش بقدر اشوف صورة ليه .
و اضاف عزمى خلال لقائه مع الإعلامى دكتور عمرو الليثى بيرنامجه واحد من الناس على شاشة الحياة ، اننى تجاوزت المرحلة الصعبة لكن الذكريات لسه بترجع بتقلب عليا المواجع ، غصب عنى و اللى بيخرجنى منها ابنى ادم .
و الدكتورة نبيلة مكرم وزيرة الهجرة عملت مؤسسة اسمها بداية و كلمتنى انى اشتغل معاهم علشان نوعى الشباب بمخاطر الادمان وازاى يبدأوا حياة جديدة وفخور بمشاركتي معهم .
اقرأ أيضاً| أحمد عزمي يكشف أسباب غيابه عن الفن ودخوله السجن بسبب الإدمان
