أكد الرئيس عبد الفتاح السيسي، أن هناك محاولات من أجل عرقلة جهود الدولة المصرية.
وقال الرئيس السيسي، خلال كلمته أثناء تفقد اصطفاف المعدات المشاركة في تنمية وإعمار سيناء: "محاولة عرقلة المصريين مستمرة وهتستمر وبالتالي مش هقول الوعي لأنه موجود عند كل قطاعات الشعب المصري.. ولو الوعي ده مش موجود مكنتش الناس استحملت معانا الظروف الصعبة والأسعار الغالية اللي بتمر بها مصر بقالها أكثر من سنة دلوقتي.. وبعترف بده.. ده واقع إحنا مش سببه صحيح.. فيه عبء كبير في كل أسرة وكل مواطن مصري نتيجة التكلفة العالية بنعيش بيها".
عن الحرب على الإرهاب، قال: "هل حرب الإرهاب خلصت؟ لغاية دلوقتي حجم الشائعات والأكاذيب والافتراءات غير طبيعي.. آخرهم قناة السويس.. كلام يعني أن المصريين منتبهين لده ومش هيصدقوا".
وأضاف الرئيس السيسي: "اتقال إننا بنفكر نبيع قناة السويس وفيه عرض.. عملولي وجمعوا كلامي ده وعملوا فيلم وإن الكلام ده قولته.. وقالك بتريليون دولار".
وتحدث الرئيس عبد الفتاح السيسي، عن التنمية في سيناء، قائلا: "ليا مطلب للشركات اللي شغالة في ملف التنمية في سيناء.. سيناء مساحتها 60 ألف كليو متر.. وإحنا في مصر عايشين تقريبا على 60 ألف كيلو.. وده مهم أوي لأهالينا في سيناء.. مصر كلها 60 ألف كيلو تقريبًا ونحاول نزودها 12% بالمدن الجديدة".
وقال الرئيس عبد الفتاح السيسي، إن الدولة المصرية لم تنفذ مشروعات للتنمية والتعمير في سيناء بسبب ارتفاع التكلفة، قائلا: "سيناء مساحتها 60 ألف كيلو متر.. وبنتكلم عن حجم التكلفة لتنفيذ شبكات الطرق ومحطات الكهرباء.. التكلفة للتنمية في سيناء عالية وده اللي أعاق التنمية خلال الفترة اللي فاتت.. نشكل للناس اللي بتسمعنا ونشكل فهما ووعيا".
ووجه الرئيس عبد الفتاح السيسي، الشكر لبعض رؤساء الشركات المنفذة لبعض الأعمال والمشروعات في سيناء، خلال متابعته خطة الدولة لتنمية وإعمار سيناء، بمدينة الإسماعيلية، قائلا: "أنا بشكركم إنكم بتشتغلوا في ظروف صعبة، ولو قلنا لبعضكم اتكلم عن الحوادث والعواقب اللي حصلت، كتير، اللي اتخطف قريبه واللي اتحرقت له معدات".
وأضاف الرئيس السيسي، أن الإرهاب كان يعوق حياة الناس وليس التنمية فقط، متابعا: "بعد ما ربنا سبحانه وتعالى وفقنا والإرهاب اللي كان موجود وكان يعيق حياة الناس، لأن لو مفيش أمان، الناس مش هتعرف تعيش حتى لو عايشه، والحمد لله اللي تحقق بفضل الله والجيش والشرطة وأبناء سيناء".
اقرأ أيضا:الرئيس السيسي: الأولوية للعمل في مشروعات التنمية لشركات أبناء سيناء
