طرحت الفنانة غادة رجب، تزامنا مع عيد الحب وبعد فترة غياب عن الساحة الفنية، أحدث أغانيها الجديدة التي تحمل عنوان «كل الحب ده».
وروجت غادة رجب لأغنية «كل الحب ده»، عبر حسابها الشخصي بموقع «فيسبوك»، وعلقت عليه قائلة: كل سنة وأنتوا طيبين، وكل عيد حب وأنتوا بخير، استنوا أغنيتي الجديدة كل الحب ده، في عيد الحب.
ويذكر أن أغنية «كل الحب ده»، من كلمات وألحان أمير طعيمة، وتوزيع محمد عاطف، وميكس ماستر محمد إسماعيل.
وتقول كلمات أغنية «كل الحب ده»: معقولة كل الحب ده، هو أنا بحلم ولا إيه، مقدرش أنا على كل دا، دا كتير عليا اللى إحنا فيه، معقول بقيت ليا أنا.. شكلي حبيبي في يوم دعيت، مفتوحلي فيه باب السما، خليك هنا على طول ياريت، حبيبي جنبي وبلمسة، مبقاش خلاص عني بعيد، كل أما حلم نخلصة، نرجع ونحلم من جديد، هنعيش سوا وأنا بوعدك، وأنا عارفه أن الوعد دين.
وكشفت غادة رجب، أسباب غيابها عن الساحة الفنية، في تصريحات تلفزيونية سابقة، قائلة: غيابي كان بسبب الولادة والأمومة، ولكن الشغل الحلو هو اللي بيفرض عليكي التواجد، لكن أنا عندي أغاني كتير الفترة الجاية هتنزل، وفى حفلات غنائية كمان.
وآخر أعمال غادة رجب حفل افتتاح مهرجان المركز الكاثوليكي للسينما المصرية، بدورته الـ 70، وتأثرت بالبكاء عند غنائها، وقالت على هامش الحفل: مقدرتش أمسك نفسي، وبهدي الأغنية لكل الناس اللي أثروا في حياتنا جميعًا، وفي حياتي شخصيًا، وتعلمنا منهم الحياة والحب والالتزام والعشرة الطيبة.
