تعرض الفنان الشاب يوسف عثمان، لهجوم شديد بعد تغريدته التي أساء فيها للاعب منتخب البرتغال كريستيانو رونالدو، بعد الفوز التاريخي لـ منتخب المغرب وتأهله للدور نصف النهائي في كأس العالم.
حيث كتب يوسف عثمان، تغريدة عبر حسابه على موقع التواصل الاجتماعي «تويتر»، وصف فيها كريستيانو رونالدو بتمثال العجوة معلقا على صورته وهو يبكي بعد خسارة منتخب بلاده قائلا: «أنا كده مرضي خلاص عشان تمثال العجوة ده ياخد التكريم اللي يستحقه روحوا بقى اشتركوا في باقة الدوري السعودي ولا الأمريكي على حسب حتزحفوا وراه لفين».
وغضب الجمهور من رسالة يوسف عثمان، بشكل كبير لأنها لا تليق بتاريخ رونالدو المليء بالإنجازات وأن انتصار منتخب المغرب لا يعني إخفاء حقيقة أن كريستيانو رونالدو صاحب أهداف تاريخية وتاريخ من الانتصارات.
وقال أحدهم «خليك في أدوارك اللي مش متشافة وسيبك من الكورة مش حتتك علشان أنت ضايع في الكورة اللي أنت بتتريق عليه ده أكبر من فرقتك اللي مشفتش دوري أبطال غير معاه.. رونالدو كان ناقص له كأس عالم بس هو اللي كبر البرتغال وخلاها تشوف بطولات تتحرق السوشيال ميديا اللي تخلي الكومبارس يتكلم".
وقال آخر «أنا دلوقتي عرفت أنت ليه كومبارس، كنت بحاول أقنع نفسي أن ليك دور فالمسلسل ٢٠٧ واتفرجت عليه عشانك والله ، لكن توصل الاستفزاز ده ! وقلة الأدب فالكلام ازحفوا وراه؟ أولا كلنا بكرامة ومفيش شخص يستاهل نزحف وراه.. حسن أسلوبك وأنت بتتكلم مع الناس يا كومبارس ليك حاجة مع رونالدو روح قولها له".
وكان المنتخب المغربي قد كتب التاريخ مرة أخرى بعدما تمكن من هزيمة البرتغال في مونديال قطر على استاد الثمامة 1- صفر، وتأهل إلى المربع الذهبي وبهذا الإنجاز، بات المغرب أول منتخب عربي وإفريقي يصل إلى هذا الدور.
اقرأ أيضا | أنغام بعد وعكتها الصحية: عشت كوابيس صعبة
