كشفت الفنانة دينا الشربيني، تفاصيل تقديمها للفوازير، خلال موسم رمضان 2023.
وقالت دينا الشربيني من خلال مقابلتها مع برنامج انسايدر بالعربي: مسلسل كامل العدد نوعه لايت كوميدي، وبيتكون من 15 حلقة، إخراج أستاذ خالد الحلفاوي، وكتابة رنا أبو ريش ويسر طاهر، ومعايا شريف سلامة، بحبه جدا جدا، ومبسوطة لأن دي أول مرة نتشغل مع بعض.
وأعربت الفنانة عن سعادتها بتقديم هذا العمل الذي ينتمي لنوعية الـ 15 حلقة، قائلة: دي أول مرة أعمل 15 حلقة، ومش عايزة أعمل مسلسلات 30 حلقة تاني لأن فكرة الـ 15 أحسن بكتيرعشان في مسلسلات 30 حلقة بنبدأ نحس من النص، إن خلاص المسلسل كان المفروض يخلص هنا، وبتحس إننا بنمط شوية في الأحداث والناس بتزهق، غير إن كدة ممكن فنان يعمل 15 حلقة وفنان تاني يعمل 15 حلقة، فـ يبقى في تنوع، ومش بعمم وطبعًا في مسلسلات كتير 30 حلقة وبتبقى فظيعة.
وعن تقديمها للفوازير، أوضحت دينا الشربيني أنها صورت جزء مع المخرج مجدي الهواري، قائلة: "مش هغني بس يعني.. في رقص وغناء وفي تمثيل ودراما، بس الموضوع محتاج وقت".
وانضم عدد من الفنانين للمشاركة في بطولة مسلسل كامل العدد، بجوار دينا الشربيني وشريف سلامة، مثل جيهان الشماشرجي، تميم عبده، مصطفى درويش، آية سماحة، أحمد جمال سعيد، سمر علام، عمرو جمال، وهو من إخراج خالد الحلفاوي، وتأليف رنا أبو ريش ويسر طاهر.
