ايمان انور
تتجه الانظار اليوم الى مدينة السلام الخضراء شرم الشيخ التى تشهد الحدث الدولى الاهم وهى قمة المناخ cop 27.. وذلك بعد ان تسلمت مصر رئاستها امس فى جلسة الاجراءات.. ومن المقرر ان يلقى الرئيس عبدالفتاح السيسى كلمة امام الجلسة الافتتاحية للقادة والزعماء..
والاسئلة التى يثيرها (أعداء الوطن):
هو ده وقت البلد تتحمل فيه نفقات قمة زى دى وحضور وضيافة العدد الضخم ده؟ مش بطون الفقراء أولى؟! ايه العائد على مصر من قمة وبتاع.. احنا عايزين فلوس تتوزع علينا.. كاااشااااات !!.. كما لو كان هؤلاء خبراء ومتخصصين بيفهموا احسن من النظام كله !.. ونجتهد يمكن نقدر نعرفهم أهمية الحدث ده..
أولا قمة المناخ فى مصر أو أى مكان آخر تتحمل نفقاتها منظمة الأمم المتحدة التى تصدر شيكا بتكلفة القمة للدولة المضيفة والتى بدورها تقدم قائمة المصروفات للمراقبين .. وهم مندوب الأمم المتحدة ومندوب البنك الدولى بصفته شريكا انمائيا.. الدولة المضيفة ترسل الدعوات لكل دول العالم.. والسادة الضيوف يحضرون على نفقاتهم الخاصة من تذاكر السفر الى الإقامة فى الفنادق.. «يعنى مصر هتستفيد طيران وحجز فنادق ومطاعم وخروجات جانبية سياااااحة اهووو».. والعدد المتوقع للحضور الى مصر هو 42 ألف زائر.. ما بين قادة وزعماء ورؤساء وفود دبلوماسية وصحفيين وحكومات ورجال اعمال ورعاة المشروعات.. ونحن كدولة مطلوب منها تجهيز القاعات المتخصصة.. وتوفير وسائل انتقالات ومواصلات وكل ذلك متوفر عندنا فضلا عن تأمين الوفود المشاركة.. وعشان كده الشرطة والجيش موجودين فى شرم.. مصرفتش انت حاجة من جيبك أهووو.. كده كده انت مستفيد ماديا.. طب ايه العائد عليا أساسا من حوار الهيدروجين الاخضر؟.. العالم بقا بيسعى خلف مصدر طاقة متجددة ونظيفة اسمه الهيدروجين الاخضر.. وهو مصدر طاقة بيتباع بفلوس وبيعمل دخل قومى عالى عشان تكلفة انتاجه قليلة.. وده جون مصرى جديد.. ففى يوليو الماضى الرئيس السيسى عمل حاجة اسمها «الاستراتيجية الوطنية المتكاملة لانتاج الهيدروجين الاخضر» وقد تم رصد مشروعات بقيمة 4 مليارات دولار .. والصندوق السيادى المصرى هيدخل فيها شريك أقلية مع القطاع الخاص..
يا حاقدين على مصر.. يا أعداء الوطن.. تابعوا قمة المناخ العالمية على ارض شرم الشيخ وموتوا بغيظكم !..
