كشفت آية ضحية الزواج المبكر، تفاصيل رحلتها مع الزواج في سن مبكرة.
وقالت آية ضحية الزواج المبكر، خلال حوارها ببرنامج " ساعة زمن " المذاع على قناة " صدى البلد 2 "، إن أول زواج لي كان عندي 14 سنة عندنا في البلد بيتجوزوا البنت في سن 13 سنة، واول جوازة ليا كانت عرفي واهلي كانوا موافقين لكن أهل زوجي كانوا رافضين وكانوا بيعذبوني.
وأضافت ضحية الزواج المبكر، حملت في بنتي، وأهل زوجي مرضوش يسجلوا بنتي لانه جواز عرفي وأنا كان سني صغير، بعد لما بنتي تمت عامين خذوا بنتي ومشوفتهاش تاني وزوجي مرضيش يديني بنتي، والجيران هما اللي كانوا بيشوفوا بنتي وبيجيبولي صورها وأنا عايزة بنتي.
وأوضحت آية، بعد أول زواج لي انفصلت عن زوجي، وجلست في بيت أهلي، ثم تزوجت مرة أخرى عندما كان عمري 16 سنة اتجوزت عرفي تاني، واهلي كانوا عايزني اتجوز تاني لانه مينفعش اقعد من غير جواز، واتجوزت واحد خلاني انزل اشتغل في الشارع وكان بيشرب مخدرات كان بيضربني وقطع لي ودني عشان ياخذ مني فلوس".
اقرأ أيضا: اليوم.. فعاليات «جوازها قبل 18 يضيع حقوقها» بمنطقة «سن العجوز» في الجيزة
