نداء إلى كل السيدات والسادة الآباء والأمهات: متنفخوش فى أولادكم وبناتكم، انتم مخلفين بنى آدمين مش بالونات يعنى مفيش حاجة اسمها أنت حد يطول يعرفك ولا يتجوزك ولا ده أمه دعت له علشان يتجوزك ولا انت احلى بنت فى الدنيا ولا انت أحسن واحد فى العالم، أو ابن أو بنت لازم نعرفه إنه إنسان ممكن يبقى حلو أوى أو وحش أوى أو وسط بين الاتنين وإنه زى ما ممكن ينجح ممكن ساعات يسقط أو يهزم أو يترفض، المهم يقوم ويكمل ولا ينهار، أرجوكم الكلام ده مهم جدا لأن نفخ البالونات ينتهى بالانتحار والقتل أو الإدمان.
حافظوا على أولادكم وودعوا نفخ البالونات.
