قالت الفنانة نهى العمروسي، إنها حاولت أن يكون لها بيزنس بعيداً عن الفن لكنها كانت تفشل بسبب ظروفها المادية، مؤكدة "هارجع أعمل مشروع جديد".
وأضافت خلال لقائها ببرنامج "كلام الناس" المذاع علي قناة "ام بي سي مصر"، "لو الفن مقدرنيش خلاص عادي مش هتقهر ولا اتشحتف لإني أقوى من كده ومش هاشتغل تمثيل".
وتابعت: أنا عندي كبرياء وكرامة واترفع أن اطلب شغل فني من أي حد حتى لو كان مقرب، ومش قيمتي أني أطلب من حد أنه يشغلني والدور لازم ينده عليا.
وعن أزمة ابنتها الأخيرة فى القضية المعروفة إعلاميا بقضية الفيرمونت، قالت نهي العمروسي، استحملت الأزمة بقوة ربنا وهي شخصية مستقلة ولجأت لربنا فى أزمتها"، متابعه "أنا غلطت طبعا في تربية بنتي في بعض الأحيان ومنها طريقتي في إني أقولها باباها مات".
وتابعت الفنانة نهى العمروسي ، أن والدها سعد العمروسي كان محامي ومستشار قانوني لعدد من الفنانين الكبار ، قائلة "مش ضروري أكون محامية بس أنا بعرف أدافع عن نفسي فى كل المواقف وقوية كفاية".
وحول ارتباط إسمها بالأزمات قالت "بتجاهل أي حاجة واتعلمت القبول لأي مصيبة تحصلي لأنها مكتوبة عليا ومكتوبة إنك تعيشيها.. ببقى مظلومة أحسن ما أقابل ربنا وأنا ظالمة".
وقالت "بستخدم النت في حاجة مفيدة واتعلمت الرسم وبثقف نفسي بنفسي"، متابعة "بتكسف وبترفع إني أقول لحد خدني معاك في شغل".
اقرأ أيضاً | نهى العمروسي: «مش مخاصمة الفن لكن يعرض علي أعمال فنية مش من قيمتي»
