نورهان نبيل
يعد الفنان محمود المليجى واحدا من أهم النجوم الذين قدموا أدوار الشر في السينما المصرية، حيث تجاوز رصيده الفني الـ500 فيلم، تمكن خلالهم من تحقيق نجاح كبير، جعله ضمن صفوة نجوم التمثيل في الدراما العربية، الذى رحل عن عالمنا عام 1983، ولرحيله هذا قصة تروى..
كشف النجم العالمي الراحل عمر الشريف عن كواليس وفاة محمود المليجي، قائلا: “أستاذ محمود مات في إيديا وإحنا قاعدين لوحدنا خالص، كنا بنصور فيلم (أيوب) وعندنا أوردر الساعة 10 الصبح في ملهى ليلي بشارع الهرم، جيت أنا في ميعادي ملقتش لا عمال ولا مخرج ولا أي حد، شوية ببص لقيته داخل مع أنه كان طول الليل بيشتغل، هو مات من كتر الشغل اللي عمله في أواخر حياته وهو راجل كبير”.
وأضاف النجم العالمي: “المليجي جِه قعد معايا، قولتله: والله يا أستاذ محمود أنت الوحيد اللي جيت مفيش حتى عامل جِه.. وفجأة عمل صوت كده وراح، أنا افتكرته بيضحك بعدين لقيته مش معايا، جريت في الشارع أنادي على الناس وأقول: تعالوا شوفوا الأستاذ.. قولتلهم: تعبان أوي الأستاذ محمود.. قالولي: ده مش تعبان، ده مات”.
