ريم مصطفى تكشف لأول مرة: أنا مطلقة وعندي ولدين وتزوجت في سن 19 سنة

 الفنانة ريم مصطفى
الفنانة ريم مصطفى

كشفت الفنانة ريم مصطفى، العديد من المفاجآت خلال استضافتها في برنامج كلمة أخيرة تقديم الإعلامية لميس الحديدي المذاع عبر قناة on.


وأعلنت ريم مصطفى، في مفاجأة تكشفها لأول مرة، أنها مطلقة ولديها ولدين، وأنها تزوجت في سن 19 سنة. 

وقالت ريم مصطفى: "أول مرة بقول كده أنا مطلقة وكنت متزوجة وعندي ولدين عمر وعلي، مضيفة: تزوجت صغيرة جدًا في عمر 19 سنة وكانت من أهم التجارب في حياتي وتعلمت منها أن أهم شيء كيف نختار شريك الحياة.

وتابعت ريم مصطفى: من حسن حظي أن زوجي محترم وابن ناس وراقي والطلاق كان بعد عشر سنين زواج بسبب أننا مختلفين عن بعض ومش لازم الطلاق يعني أننا نفرج الناس علينا ونروح محاكم وأبو ولادي بتربطني بيه علاقة صداقة واحترام.

وردت ريم مصطفى على سؤال الإعلامية لميس الحديدي: معقولة كل الجمال ده والشطارة في المطبخ ومفيش راجل لحد دلوقت، لترد قائلة: لا مفيش في الوقت الحالي لكن ممكن يبقى فيه بكرة، وأكيد كان فيه حب سابق محدش مننا غير ما مر بده.

وأضافت ريم مصطفى: المشكلة أنهم بيعتقدوا أن علاقات الحب بسيطة وبياخدوها ببساطة شديدة وعشان كده أي واحدة وواحدة في علاقة لازم يعرفوا هما بياخدوا القرارات إزاي فيه ناس بتبقى عاوزة تتجوز وخلاص وبعد كده يحصل الصدام وينتج عنه طلاق كتير وده بنشوفه في علاقات كتيرة حوالينا.


وكشفت الفنانة ريم مصطفى، أنها لو وقعت في مشكلة في يوم ما ستلجأ لطليقها، قائلة: الحاجة الوحيدة اللي اتفقنا عليها إننا نربي ولادنا كويس.

 

وكانت ريم مصطفى، قد خاضت السباق الرمضاني 2022 من خلال دورها في مسلسل "سوتس بالعربي"، المأخوذ عن مسلسل أمريكي شهير حمل نفس الاسم.

ومسلسل "سوتس بالعربي" بطولة آسر ياسين، أحمد داود، ريم مصطفى، صبا مبارك، تارا عماد، محمد شاهين، أسماء جلال، مصطفى درويش، هدى المفتي، خالد كمال، ناردين فرج، سلمى أبو ضيف، ليلى حسين، سارة عبد الرحمن، ملك بدوي، عمر زهران وعدد آخر من الفنانين، وسيناريو وحوار محمد حفظي وياسر عبد المجيد وإخراج عصام عبد الحميد، وإنتاج تى فيجن للمنتج طارق الجنايني.