علقت أمنية طارق، الشهيرة بـ عروس كفر الدوار، على أزمة وصية كتب الكتاب، عن هجوم السوشيال ميديا عليها، قائلة: "مش بسمع لكلام لحد ومقلتش حاجة غلط والكلام كان قدام أهلي وأهله مفيش حد غريب كان قاعد معانا".
وأضافت طارق، خلال مداخلة تلفزيونية: "قمت بتصوير الفيديو للذكرى ومعلمتش أي حاجة جديدة واتكلمت بعفوية الموضوع بسيط وملوش أي أهمية والناس اديته أكبر من حجمه".
وتابعت عروس كفر الدوار: "صفحة أحمد وأمنية على اليوتيوب تم إنشائها منذ عام ونصف وليست وليدة اللحظة".
وفي وقت سابق أكدت أمنية طارق، عروس كفر الدوار، أنها لم تكن تخطط للتصريحات التي انتشرت في وسائل التواصل الاجتماعي خلال توقيع عقد زواجها، قائلة: "كنت عايزه أفرح جوزي بكلمتين وحبيت أفرحه بطريقتي، وتفاجأت بهجوم الناس، ومعملتش تصرف غلط ومش عارفه في إيه، وأهلي وجوزي متبهدلين من التعليقات السلبية على السوشيال ميديا".
وتابعت: "حمايا كان واقف ورايا وفي ضهري، وإحنا ناس عاديين ولا طالبين ترند والكلام مأثر علينا نفسيا"، مؤكدة أنها وزوجها يقدرون أهلهم كثيراً.
إقرأ أيضاً| «الدين وصاه بأمه مش حماته».. مبروك عطية يرد على عروس البحيرة| فيديو
