يحتفل النجم الكبير عادل إمام، الملقب بـ«الزعيم»، اليوم 17 مايو بعيد ميلاده الـ83، واستحوذ خلالهم على مكانة كبيرة في قلوب الجماهير المصرية والعربية، منذ طلته الأولى مع الراحل القدير فؤاد المهندس، بشخصية دسوقي، وكيل المحامي، في مسرحية «أنا وهو وهي»، التي كانت بداية مولد نجم كبير.
وكشف الزعيم، عن نصيحته لكل من يرغب في تحقيق النجاح في حياته، حيث تطرق إلى ذلك أثناء حلوله ضيفاً على قناة الحياة في وقت سابق، خلال حلقة خاصة مع الثنائي أشرف عبد الباقي وأحمد آدم، وحينها أكد أنه حينما كان شابًا في بدايته كان بصحبة صديق له على كوبري ينظر إلى النيل وفجأة توقفت سيارة من أفخم السيارات.
واستكمل الزعيم وقتها: "شفت سيدة جميلة نازلة لابسة شيك جدًا، والسيارة كانت فخمة للغاية، أنا وقتها قلت الله إيه الجمال ده، إنما صاحبي قال وقتها إيه الناس دي معاهم كل ده، في إشارة إلى حسده لما تملكه من مال، صاحبي ده اتسجن واتبهدل".
وأضاف الزعيم: "نصيحتي للجميع أن ينظروا للجمال، ولا يلتفتوا إلا لعملهم، أنا زمان لما سمعت إن مارلون براندو هياخد مليوني دولار في الفيلم فرحت إن في حد ناجح هايحصل على المبلغ الضخم ده مقابل موهبته وشطارته في عمله، عكس ناس تانيه بتفضل تحسب لكل شخص ده بياخد كام وده هيعمل إيه بالفلوس، علشان كده أتمنى الناس تبص على الجمال في كل حاجة".
