انتقدت الفنانة رجاء حسين، إطلالات الفنانات بالمهرجانات السينمائية في الفترة الماضية.
وقالت حسين: "أرفض العري والإسفاف رفضًا مطلقًا، أنا ست شرقية واللي بيحصل ده حرام وميرضيش ربنا، عمرنا ما سمعنا إن فنانات زمان كانو بيظهروا بهذه الطريقة.
وأضافت خلال حوارها مع الإعلاميتين سهير جودة، ومفيدة شيحة، ببرنامج الستات، المذاع عبر فضائية النهار، مساء اليوم الخميس: "أنا دقة قديمة وشوفت السيدة فاتن حمامة لما كانت بتحضر مهرجانات، كانت ملابسها محترمة وإطلالتها أنيقة".
ووجهت الفنانة رجاء حسين، رسالة لرجال الأعمال قائلة: “ابعدوا عن السينما والفن، اللي بيحصل حاليًا تجارة، ولا يمت بصلة للفن المصري، وأرفض تعبير أنه يمثل مصر”.
وتسألت: "هو اللي كان بيحصل في المهرجانات كان يعجب حد؟".
وتابعت الفنانة رجاء حسين: "ده رأي ومش هخالف ضميري وأقول كلام عكسه، وبعدين خسارة فيهم الكلام، ده مش مهرجان سينما ده عرض أزياء".
واختتمت حديثها قائلة الفنانة: "لا أتدخل إطلاقًا في أي مشكلات شخصية بين فنان وفنانة، أو أتدخل في خناقات الفنانات مهما كانت علاقتي بيهم، وبحب أكون في حالي".
